سن الأربعين

[sunny1]

[quote]

المشاركة الأصلية كتبت بواسطة copacapana;227332

ماهو احنا معندناش العناية اللى هيا بالصحة
او التوعية الصحية المطلوبة

ماهو بالظبط ده الغرض من الموضوع

يمكن لأن السبب يرجع ان الظروف الاقتصادية موش بتخلى حد يروح يكشف الا لما يصاب بمشكلة فعليا
و ليس لمجرد الاطمئنان

موافقه حضرتك فى ان الظروف الأقتصاديه قد تكون حائلا بس ايهما اوفر اروح بعد المرض وادفع دم قلبى فى العلاج ولا ادفع قليلا نسبيا الآن واوفر فى صحتى وتمن علاجى

[sunny1]

سمعت وشفت عن ناس
لهم حكاوى تدمى القلوب
يارب اشفيهم جميعا يارب

شاب عنده 35 سنه هنا فى كندا
كانت شكواه انه ساعات بيجيلوا اسهال وساعات العكس
وبيزيد فى الوزن خاصة منطقة البطن
وهو مكبر
طليانى وراسه ناشفه
المهم بيقول صدفه قدام طبيب مصرى صديق
فنصحه بالذهاب لمتخصص
طلع عنده ورم فى حجم البرتقاله فى القولون
كيمو وخلافه والحاله ...ربنا يلطف بيه

آخر
مصرى راح مع اخته انجلترا لفحص قلبها
وقال بالمره اكشف
انتهى ب triple bypass

لو اخدنا الوقايه والأطمئنان الدورى
ممكن نعيش بصحه افضل
نفس عمرنا المقدر من ربنا سبحانه وتعالى
ولكن بدون آلام

[DR/sayed milanoo]

طيب ما هو مش شرط ان ده يحصل بعد سن الاربعين

ممكن شاب صغير بتاع عشرين سنه يكون حامل المرض

ومعندوش ادنى فكره انه مريض

ولا حضرتك تقصدى ان ممكن يكون عنده المرض و مش بيظهر الى بعد سن الاربعين


كلامك دكتوره منى صح طبعا احنا لازم

ناخذ حزرنا و نعمل كشف دورى ان شاله كل سنه

مش كل 6 شهور


بس برده الحاله فى مصر مش هتسمح بكده و الفكر المصرى له دوره برده

من فى مصر مش حاسس بمرض و حاجه و هيروح للدكتور يكشف عليه

اكيد هيقول اما اوفر القرشين دول بدل ما الدكتور يخدهم على الفاضى

مانا كويس و صحتى بممب

يبقى احنا لازم نتطرف لاساليب الوقايه

و طبعا الوقايه خير من العلاج


شكرا د\ منى

[sunny1]

المشاركة الأصلية كتبت بواسطة DR/sayed milanoo

ولا حضرتك تقصدى ان ممكن يكون عنده المرض و مش بيظهر الى بعد سن الاربعين


كلامك دكتوره منى صح طبعا احنا لازم

ناخذ حزرنا و نعمل كشف دورى ان شاله كل سنه

مش كل 6 شهور


بس برده الحاله فى مصر مش هتسمح بكده و الفكر المصرى له دوره برده

من فى مصر مش حاسس بمرض و حاجه و هيروح للدكتور يكشف عليه

اكيد هيقول اما اوفر القرشين دول بدل ما الدكتور يخدهم على الفاضى

مانا كويس و صحتى بممب

يبقى احنا لازم نتطرف لاساليب الوقايه

و طبعا الوقايه خير من العلاج


شكرا د\ منى

هو بااظبت ده اللى انا باقوله
قنطار وقايه ولا فدان علاج

ومعظم الامراض المستعصيه
بتبدأ بوادرها بعد سن الأربعين
ولذلك باقول نعمل الكشف المبدأى لأنفسن
ا قبل بلوغ هذا السن
ليكون مرجع لحالتنا

شكرا لتشجيعك د.سيد
اهو انت دايما كده بتشجعنى باللغتين

[الشيماء]

الأسئلة بقى يا دكتورتنا

1
بالنسبة لل menopause
هل في اكلات معينة او عادات غلط مفروض منعملهاش
او أكلات صحية وعادات مفروض نعملها ؟؟؟؟

2
هل ال hormones replacement therapy
مفيدة في كل الاحوال ولا قد تكون مضرة ؟؟؟


3
لو اتأخر ال menopause لل50
أو 55 مفروض نتصرف ازاي ؟؟؟
ده معناه ان الإستروجين زايد اوي وفي احتمال أورام
ولا ده عادي ؟؟؟؟؟

4
الحلبة والينسون وماشابه
غنية بالإستروجين
ياتري ممكن تكون حل كافي ؟ ولا لازم أدوية ؟؟


ألف شكر مقدما يا دوك
ربنا يكرمك يارب
حضرتك جاوبي علي اقل من مهلك
حسب تسلسل الموضوع

[sunny1]

اهلا بدكتورتنا
بالرغم ان الموضوع اساسه
مايجب فعله من تحاليل واشعات قبل هذا السن
ولكن مرحبا بالاسئله من اى نوع
وفى اى وقت


[QUOTE]

المشاركة الأصلية كتبت بواسطة الشيماء

الأسئلة بقى يا دكتورتنا

1
بالنسبة لل menopause
هل في اكلات معينة او عادات غلط مفروض منعملهاش
او أكلات صحية وعادات مفروض نعملها ؟؟؟؟

مفيش اكلات ممنوعه واخرى مسموح بيها
لأنها حاله غير مرضيه
صحيح الهورمونات بتتلخبط
انما ليست حاله مرضيه
عادة بس ننصح بالابتعاد عن التوابل الحريفه مثل الفلفل والشطه لأنهم بيزودوا ال hot flashes
اللى بتشعر السيده بالحراره
فبلاش نزودها
كمان كان فيه دراسه قالت
ان فول الصويا ومنتجاته ك لبن الصويا والتوفو
بيقللوا الأعراض
بدليل ان الصينيات اقل النساء شعورا بالتغيرات
الا انقطاع الطمث
وهم اكثر الشعوب تناولا لهذه المنتجات

2
هل ال hormones replacement therapy
مفيدة في كل الاحوال ولا قد تكون مضرة ؟؟؟

فيه اراء متضاربه حول ال HRT
البعض يقول انها تعرض المرأه للاورام
والبعض ينفى ذلك
كما ان فيه اورام حساسه للهورمونات
ولما بتكون الست صغيره فى السن بيوصلوها لحالة ال menopause صناعيا
انا شخصيا ضد ال HRT
الا فى الحالات اللى بتكون حدة الأعراض قويه ولا تحتمل

3
لو اتأخر ال menopause لل50
أو 55 مفروض نتصرف ازاي ؟؟؟
ده معناه ان الإستروجين زايد اوي وفي احتمال أورام
ولا ده عادي ؟؟؟؟؟

لا اعتقد
وانا شخصيا اعرف سيدات وصلوا للستين
ولا يزالون عاديين جدا

4
الحلبة والينسون وماشابه
غنية بالإستروجين
ياتري ممكن تكون حل كافي ؟ ولا لازم أدوية ؟؟

عاوزين متخص اعشاب
يقول لنا رايه ايه فى الجزئيه دى بالذات
لكن عموما نصائح عامه يعنى
ارتداء ملابس قطنيه خفيفه
شرب ماء مثلج عند بداية الشعور بال hot flashes
الأبتعاد عن المنهات لأن الأعصاب بتتوتر

فى انتظار كل دكاترتنا
للاضافه او التصحيح
انتو فين
سايبنى لوحدى ليه

[الشيماء]

ألف شكر يادكتورتنا
ربنا يباركلك يارب
واجابات حضرتك رائعة علي فكرة

[DR/sayed milanoo]

[QUOTE=الشيماء;227789]

4
الحلبة والينسون وماشابه
غنية بالإستروجين
ياتري ممكن تكون حل كافي ؟ ولا لازم أدوية ؟؟


على حسب ما درسنا فى العقاقير

ان الحلبه بتحتوى على saponin يسمى diosgenin

علشان كده الحلبه بتزود female sex hormone

وبتزود lactation

علشان كده احنا بننصح الام المرضعه بشرب الحلبه

ودا مايمنعش ان فى استخدامات تانيه مهمه للحلبه من اهمها

1-لعلاج ارتفاع نسبه السكر لانها تحتوى على 2 nitrogen base

trigonilline and choline

2-مفيده فى حاله الامساك




بالنسبه بالينسون اظن ان مالوش دخل بالاستروجين

لانه بيحتوى فقط على volatile oil ,anethole

واستخدامه الوحيد انه anti spasm

بالاضافه انه expectorant

[الشيماء]

بالنسبه بالينسون اظن ان مالوش دخل بالاستروجين

الف شكر علي توضيح حضرتك
يا دكتور سيد
ربنا يباركلك يارب
بس للتوضيح
الينسون بيحتوي علي استروجين
ويعتبر من أول المشروبات التعويضية لنقص الهرمون

المحتويات الكيميائية لليانسون
يحتوي اليانسون زيتا طيارا وهو المكون الرئيسي ويحتل مركب الانيثول المركب الرئيسي في الزيت واستراجول وانايس الدهيد وكافيك اسد ومن مشتقاته كلوروجينك اسد. كما يحتوي على فلافوبذرات ومن أهمها ابجنين وزيوت دهنية. فهو يحتوي على زيت طيار 3% مادة انيثول وميثيل شانيكول من الزيت الطيار، وهرمون الاستروجين وزيت ثابت.

المصدر
http://ar.wikipedia.org/wiki/%D9%8A%...B3%D9%88%D9%86

[DR/sayed milanoo]

شكرا دكتوره شيماء

فعلا الينسون فيه الاستروجين

بس انا كنت بقول الى انا درسته فى الكليه

حتى الموقع ذاكر ان اهم استخدام بيكون للزيت الطيار و الثمار فقط كما درسنا


بس برده وجود الاستروجين حتى ولو بنسه صغيره مايمنعش

انه يعوض نقص الهرمون


الف شكر د\ شيماء مره تانيه على التوضيح

[sunny1]

نتكلم بقى فى الأحتياطات والممنوعات
عند اجراء الأختبارات المختلفه
مش بس سن الأربعين
وطبعا
الموضوع مفتوح لجميع الأخوه
بالمشاركه بمعلوماتهم

الكوليسترول

يجب الصيام 12 ساعه عن الطعام
ومسموح الماء فقط

وعند اخذ نتيجة الأختبار
ناخذ فى الاعتبار رقمين
اولهم ال Total cholesterol
والثانى ال Diffrential

تمام كده

اللى بعده

[sunny1]

Test for occult blood

وده مهم لاكتشاف عدة امراض مثل

ulcers, gastritis, dilated or twisted veins, inflammatory bowel disease, hemorrhoids, polyps, or cancer

طريق اجرائه بسيطه
اخذ عينه يوميا
لمدة 3 ايام متتاليه

والكشف عليها

الأحتياطات اللازمه

هى الأمتناع عن تناول الأطعمه الغنيه بفيتامين C لمدة 3 ايام قبل ابتداء اخذ العينات وعلى مدار ال 3 ايام اثناء اخذ العينات

الأمتناع عن اكل اللحوم الحمراء

الأمتناع عن تناول مضادات الحموضه antacids

الاكثار من تناول الأطعمه الغنيه بالالياف

الأمتناع عن استخدام فرشة الاسنان اذا كانت اللثه تنزف بسهوله

[DR/sayed milanoo]

انا شايف ان اهم تحليل لازم يتعمل وخصوصا فى مصر

الى هو تحليل

virus c

لان الفيرس دا ممكن متظهرش اعراضه الى فى اوقات متاخره

و ايضا تحليل السكر

بالرغم من ان مرض السكر له دلائل

بس نعمله برده علشان نعرف نسبه السكر وبعدين نقدر نظبط فى الاكل وغيره

وايضا تحليل انيميا

معرفه نسبه الهيموجلوبين مهم لان ممكن نقص الهيموجلوبين يكون عرض لامراض تانيه كتيره

و احنا مش دارين


طيب ازاى بتتعمل التحاليل دى

بصراحه مش عارف الى عارف

يبقى يعرفنا

[DR/sayed milanoo]

بعد اذن الدكتوره منى

النسبه لتحليل ال occult blood

الامراض دى اعراضها بتظهر فى وقتها ولا انا غطان

يعنى الى عنده ulcers, gastritis

اكيد هيحس بحرقان وحرقان شديد كمان

فامش هيستانا وهيروح يكشف على طول

مش احنا بندور برده على الامراض الى ممكن تكون موجوده

بس مافيش اعراض

يبقى هى دى الى احنا لازم نعملها تحاليل

للتاكد من وجودها او من عدم وجودها

وشكرا

[Vitamin]

موضوع اكثر من رائع

جزاكم الله خيراااااا

[sunny1]

المشاركة الأصلية كتبت بواسطة DR/sayed milanoo

بعد اذن الدكتوره منى

النسبه لتحليل ال occult blood

الامراض دى اعراضها بتظهر فى وقتها ولا انا غطان

يعنى الى عنده ulcers, gastritis

اكيد هيحس بحرقان وحرقان شديد كمان

فامش هيستانا وهيروح يكشف على طول

مش احنا بندور برده على الامراض الى ممكن تكون موجوده

بس مافيش اعراض

يبقى هى دى الى احنا لازم نعملها تحاليل

للتاكد من وجودها او من عدم وجودها

وشكرا

فعلا د.سيد معاك حق
ولكن فى نقطين
ساعات المريض نفسه بيتوه الطبيب
بمعنى انه يقول اعراض ويقارنها باكله معينه
فالطبيب بيعطيه دواء للمعده وابعد عن الأكل ده
حاله مؤقته

النقطه التانيه هى الحقيقه اكتشاف اخر مرضين

polyps and cancer

وكتير اكتشفوا بداية امراض خطيره بالتحليل البسيط ده

[sunny1]

المشاركة الأصلية كتبت بواسطة dr/sayed milanoo

الى هو تحليل

virus c

لان الفيرس دا ممكن متظهرش اعراضه الى فى اوقات متاخره

و ايضا تحليل السكر

بالرغم من ان مرض السكر له دلائل

بس نعمله برده علشان نعرف نسبه السكر وبعدين نقدر نظبط فى الاكل وغيره

وايضا تحليل انيميا

معرفه نسبه الهيموجلوبين مهم لان ممكن نقص الهيموجلوبين يكون عرض لامراض تانيه كتيره

و احنا مش دارين


طيب ازاى بتتعمل التحاليل دى

بصراحه مش عارف الى عارف

يبقى يعرفنا

نقط مهمه

ياريت الزملاء يشاركونا

[sunny1]

المشاركة الأصلية كتبت بواسطة Vitamin

موضوع اكثر من رائع

جزاكم الله خيراااااا

اشكر مرور حضرتك

[د_كاتي]

موضوع أكتر من رائع د.sunny

ومهم في حياتنا ,, وفي ناس كتيره محتاجه التوعيه دي لان الاغلبيه بترفض التحاليل لمجرد الوقاية او الانذار المبكر
وده غالبا لان في تكلفه كبيره في بعض التحاليل

فبيريحوا دماغهم ويقولوا :
من عاش بالحكمة مات بالمرض




- بالنسبة للتحاليل الوارد ذكرها ,, هل جميعها متوفر هنا , وموثوق من نتايجها في معامل مصر ؟
اصل انا في حاجات اول مرة اسمع عنها

طيب ازاى بتتعمل التحاليل دى

بصراحه مش عارف الى عارف

يبقى يعرفنا

مش فاهمه السؤال ؟
المقصود ازاي تحليل فيروس سي والهيموجلوبين ؟؟
دول اشهر حاجه موجوده ,,, الاستفسار عن ايه ؟؟

متابعه معاكي د. منى

[sunny1]

اهلا ب د.كاتى
اسعدنى مرورك

بالنسبه للتحاليل والآشعات
ايوه موجوده فى مصر
انما مقدار الثقه فى النتايج معرفش الحقيقه

ولو ان نسبة الخطأ موجوده فى كل الدول
وحاليا فى قضيه مرفوعه على طبيب ومستشفى شالوا ثدى مريضه لاصابتها بسرطان الثدى وبعد العمليه اثبتت تحليلات الأنسجه خلوها من المرض

وارجع واقول نسبة الخطأ بتتفاوت