ايه اللى فى الصيدله يخلينى احبها؟

[alyaa]

جزاكم الله خيرا يادكاتره بجد رفعتوا معنوياتى بارك الله فيكم

[sherif27]

للأسف انا باعتبر الصيدلة
أكبر أخطاء حياتى حتى هذه اللحظة

للأسف من ساعة ما اتخرجت
وأنا باكره اليوم اللى دخلت فيه الكلية دى

فعلا كانت غلطة منى

وللاسف الشديد معرفتش احب المهنة دى

[د.مصرية]

كلنا مرينا بالاكتأب ده بعد التخرج بس مع الوقت راح الحمد لله....لانى لما اشتغلت لقيت فى شغلى فى الصيدلية وفى الوحدة الصحية ان نظرة المجتمع للصيدلى نظرة احترام وثقة....فانت دكتورة. بتقرأى التحاليل وبتفسريها للمريض وبتقرأى النشرات باللغة الانجليزية وتترجميها ولا يستطيع أى بقال زى ما بيقولوا أنه يعمل كده.....وعلى فكره فيه دكاتره بشرين كتير أعرفهم بشكل شخصى نادمين على دخولهم الطب وبيقروا علينا فى الشغل لان حوافزنا زيهم من غير نبتشياط ولاتقفيلات وبيقولوا يا ريتنا دخلنا صيدلة..أريح وأوفر وبرده اسمه دكتور.....ونصيحتى الأخيره هى المداومه على القراءة فى الpharmacologyوالكتب الطبية وكل جديد فى الدواء....

[alyaa]

انا بعد الخمس سنين دراسه فى الكليه حاسه ان دماغى مفهاش اى معلومه نسيت كل حاجه والمشكله انى معنديش استعداد اقرا اى معلومه تانى اعمل ايه

[m_daly]

انا بئه دخلت الصيدلة عن حب وعشق
يعني مش اي كلام
وبجد مهما كان اللي بيتناقش معايا سواء طبيب مهندس او حته خريج علوم قسم كيمياء " اللي هوا قريب مننا "
بأساله علي طول اسئلة في الصيادلة وبافرسه علي طول
هيا ناقصه شلل
اي حد مش علي اد كلمته يبقه المفروض يحتفظ برايه عن الصيدلي لنفسه
ده اللي انا باعمله مع اي بني آدم ..

[Dr_Mostafa_Eg]

غلطه عمرى والله انى دخلتها
بس العزر الوحيد
ان حال الصيدله من سبع سنين مكنش ذى دلوقتى خالص
كان لسه فيه امل

[alyaa]

]غلطه عمرى والله انى دخلتها
بس العزر الوحيد
ان حال الصيدله من سبع سنين مكنش ذى دلوقتى خالص
كان لسه فيه امل]

طيب ودلوقت مفيش أمل خالص ولا فيه؟ يعنى نرضى بالأمر الواقع وامرنا لله

[Dr_Mostafa_Eg]

المشاركة الأصلية كتبت بواسطة alyaa

]غلطه عمرى والله انى دخلتها
بس العزر الوحيد
ان حال الصيدله من سبع سنين مكنش ذى دلوقتى خالص
كان لسه فيه امل]

طيب ودلوقت مفيش أمل خالص ولا فيه؟ يعنى نرضى بالأمر الواقع وامرنا لله

فيه امل طبعا بس عايز صبر...وهى للبنات احسن من الولاد على فكره

[alyaa]

واحنا اهو صابرين وربنا معانا وربنا ينصرنا ان شاء الله

[alyaa]

بس على فكره احنا عندنا طاقه وطموح عايزين نستغلها اننا نعمل حاجه مفيده وانا متأكده اننا ممكن نعمل حاجه وممكن نغير الواقع ده بس عايزين حد يقولنا نعمل ايه بس