افضل عشرين روايه فى تاريخ الادب العالمى "11" جاتسبى العظيم

[منى المسلمه]

والله يا سما
الموضوع ده بيحسسنى انى بكلم نفسى

[dr sama]

ليه يا منى بتقولى كده

اكيد فيه ناس بتقرأ لكن مش بتعلق

لكن اكيد اى حد بيدخل الموضوع بيستفيد منه

ويمكن عدم التعليق لانه بيحس انه مش حيضيف جديد بتعليقه

عموما كملى وانا متابعاكى ان شاء الله واكيد غيرى كتير

لانه فعلا موضوع مميز يستحق المتابعه

[منى المسلمه]

هاملت


اكون او لا اكون

من اهم مسرحيات الروائى العالمى
شكسبير


مسرحيه هاملت ترجمت الى كل لغات العالم
ولاقت نجاح منقطع النظير



الاحداث

هاملت كان اميرر للدنمارك وابوه كان ملك الدنمارك واسمه هاملت برده

ابوه ده اتقتل وتولى عمه كلوديوس العرش
وكان هاملت الامير بيحب اوفيليا بنت عمه ده

والده هاملت اتجوزت عمه كلوديوس بعد مقتل جوزها الملك
واللى كان يعتبر جواز آثم انذاك

الامير هاملت كان بيراوده شبح "فى صوره ابوه اللى اتقتل"
وبيطلب منه يثأر لمقتله
بل انه روى له كيف قتل

هاملت كان حيران جدا يا ترى ده شبح ابويا فعلا ولا شيطان بيلعب بيا

المهم
ادعى هاملت الجنون حتى يضلل الجميع ويبحث هو جيدا فى صحه ادعاءات هذا الشبح ويكتشف فعلا مين اللى قتل ابوه

طبعا الشبح كان بيقوله ان عمه كلوديوس عمل كده بالاتفاق مع امه علشان يستولى على العرش ويتجوزها بعد كده

وعلشان يتأكد هاملت
عمل حفله بمناسبه مرور سنه على جواز عمه وامه
وخلال الحفله عرض كل احداث الخيانه والقتل دى كحكايه
مما اصاب عمه بالتوتر والضيق وساب الحفله ومشى

اتأكد هاملت وقتها من الخيانه كما انه كان سمع حديث بين عمه وامه عن الحكايه دى وهو مستخبى ورا الستاره

وقرر ابن عمه ده ان يبارزه انتقاما منه

وفعلا يوم المبارزه ده اتفق عمه وابنه انهم هيسمموا السيف اللى ابن عمه هيمسكه
وانهم هيقدموا للفايز كأس من النبيذ المسموم

يومها

امه شربت بالخطأ من الكأس وماتت
وهاملت قتل عمه بسيفه
وابن عمه اصاب هاملت بجرح بالخنجر المسموم ومات هو كمان

وكنت نسيت اقلكم ان اوفيليا
كانت انتحرت غرقا بعد ما اكتئبت علشان هاملت سابها وعمل نفسه مجنون
وباباها مكنش موافق ابدا على علاقتها بيه

وهكذا جرت احداث هاملت

اى خدمه

[dr sama]

يا سلام يا منى

ايه جرعة النكد المركزه دى
اظن دى تاخد جائزة اكئب روايات الادب العالمى

شكرا ومتابعه معاكى

[منى المسلمه]

اى خدمه يا ايناس
انت عارفه موقفى من النكد
وروايات النكد



بس بيتهيئلى هاملت كلها بهجه
ده حتى كنت متردده
حسيت انها كوميديه زياده عن اللزوم

[منى المسلمه]

الموضوع ده بقاله سنه
يااااااااااااااااااااااااااااااااااااااااه

ولسه فى الروايه العاشره

آن الاوان ان ننتقل الى الروايه
الحاديه عشر

"جاتسبى العظيم"
ل
فرنسيس سكوت فيتزجيرالد

مين بقى فيتزجيرالد ده؟

كاتب وروائى امريكى
اتولد فى نهايات القرن الماضى

بدأ الكتابه فى سن 13 سنه وهو لسه فى مراحل التعليم
ونشر رويات وقصص قصيره متوسطه المستوى
فى مجله اكاديميه سانت بول ودى الاكاديميه اللى كان بيتلقى فيها الدراسه

على الرغم من موهبته الا انه كان مستواه الدراسى متوسط
فارسله والده الى نيو جيرسى فى اكاديميه شيك شويه وتابعه للكنيسه الكاثوليكيه هناك
اسمها نيومان كتحسين لمستوى دراسته

هناك تعلق بشده بالاب سيغورى احد رهبان الاكاديميه
اللى اثر فى حياته وافكاره جداا

واللى شجعه على تنميه موهبته وعلى ثقلها وعلى العمل على نشر اعماله

بعد كده انتقل الى جامعه برينستون لاكمال دراسته
ولكن حصلتله مشاكل هناك لانه حب بنت زميلته
لكن اهلها كانوا ناس من الطبقات العليا وذوى مستوى اجتماعى مرموق جدا وبالتالى انكروا عليه هذا الحب وتعرض لمضايقات عده آثر على أثرها الدراسه الحره...

راح الجيش فى الحرب العالميه الاولى ومكث فيه فتره سنتين تقريبا

اثنائهم تعرف على زيلدا ابنه قاضى المحكمه العليا هناك
واتخطبوا ...وهى اجلت الزواج الى ان يستقر فيتزجيرالد
ويجد عمل مرموق براتب مجزى

بعد ما خرج من الجيش اشتغل فى الدعايه والاعلان
معجبهوش ورجه سانت بول مسقط رأسه وركز فى الكتابه
ونشر اول روياته شهره "الرومانسى الانانى"
اللى نجحت جدا وحسنته ماديا واتجوز بعدها زيلدااا

سافروا بعدها فرنسا وعاشوا هناك فتره

المهم

بعد سنوات عده من اخفاق الى نجاح
ادمن الشرب والسكر وساءت سمعته
واصيبت زوجته بامراض عقليه تفاقمت عليها الا ان ظلت بمصحه نفسيه بصوره دائمه

فى خلال الفتره دى كتب اعظم رواياته

"جاتسبى العظيم"

اللى هى موضوع الكلام


NEXT

[ogha]

د.منى........زعيمه الشرقاويييييييييييييين
موضوع تحفه بجد والله رغم انى لسه فتانى روايه
ومجهود جبار وتبسيط مفيش ابسط من كده...ربنا يكرمك
الواحد اكتشف انه فعلا جاهل..بس ان شاء الله متابعين ع طول
يا ريت يا دكتوره بعد الموضوع ده ممكن اى روايه نفسك تنزليها.........نزليها ولا يهمك...احنا متابعين.....يمكن الواحد يتثقف ع ايديكى

[منى المسلمه]

اهلا يا د. ogha

نورتى الروايات

وهكذا دائما المنتدى الادبى
متنفث العقول والقلوب والمشاعر
لمن له مشاعر

ربنا يتقبل ويرضى عننا

[خالد العيوطى]

بسم الله الرحمن الرحيم

لا زلت أحيي حضرتك على عبقرية الموضوع

لكن يا دكتورة منى...

حاولت أراجع موضوع دون كيشوت ...

فمفهمتش ...

ازاي هوة كان بيحارب طواحين الهواء

وكان بيحاربها ليه ؟

معلش هرجعك لورا

بس ضروري

محتاج التفاصيل بسرعة

[منى المسلمه]

اهلا اهلا يا د. خالد

لكن يا دكتورة منى...

حاولت أراجع موضوع دون كيشوت ...

فمفهمتش ...

ازاي هوة كان بيحارب طواحين الهواء

وكان بيحاربها ليه ؟

معلش هرجعك لورا

بس ضروري

محتاج التفاصيل بسرعة

بص يا دكتور خالد
دونكيشوت ده واحد قرأ روايات خياليه كتير جدا
بتتكلم عن النبل والفروسيه والاخلاق العظيمه ومحاربه الشر

فظن انه احد هؤلاء الفرسان
يعنى شبه اتجنن كده

وكانت له مغامرات كتير جدا كفارس ومحارب "مش حقيقى"
منها الاشهر
"محاربه طواحين الهواء"

جنونه او خيالاته النفسيه اللى كان عايش جواها خيلتله ان طواحين الهوا العاديه دى عباره عن قلاع
وان المتحكم فيها شياطين اشرار وفرسان عمالقه
فجاب سيفه وفضل يحارب فيهم متصور انه كده بيحارب الشر اللى جواهم

ومن المغامرت ايضا انه مر على كوخ صغير وتصور انه قلعه وطلب من الحارس بتاعه يندهله على الفرسان اللى جوه القلعه علشان يحاربهم .........

يعنى كان واحد عايش فى الوهم والخيال

يعنى الراجل "سيرفانتس ده" الكاتب يعنى
كان عايز يبينلنا ان الواحد لما يكون مثالى او فارس لازم يكون واقعى ويستخدم اساليب واقعيه لتلمس الواقع اللى احنا فيه
مش مجرد اوهام وخيالات هتروح على الفاضى فى الاخر
زى محاربه الطواحين كده

فهمت حاجه يا دكتور؟؟؟!!!!

[اسماء على]

الله عليكى يا د/ منى

بجد موضوع جميل قوى

وانا وراكى هسجل كل كلامك

اهو يمكن نتثقف شويه حاكم حته الثقافه الادبيه ده

زيرووووووووووووووو

[رامى محمد]

تسجيل متابعة إن شاء الله