ذكريات صيدلى عاش فى الرياض

[stress without tabs]

مش عارف ليه اى رحلة سفر سواء بتاعتى او بسمعها من اى عضو زميل هنا فى المنتدى او بره المنتدى بتفكرنى برحله كفاح عبدالغفور البرعى بتاع لن اعيش فى جلباب ابى وافتكر مره واحد زميلى كان معايا فى الرياض ومشاء الله عليه كان صيدلى بمعنى الكلمه كنا راجعين فى يوم جمعه من بيت الشوايه كنا بتغدى فيه والكلام اخدنا طول الطريق عن العمل والحياة والمستقبل وهل هايجى يوم علينا ونركب عربيه جمس مثلا وكان رده ان الناس اللى بتتعب كتير فى الاول هيا اللى بتوصل فرديت عليه قولتله انا بقالى 3 سنين بتعب بس وموصلتش لحاجه تذكر او انى اقول انى عملت حاجه مع انى تعبت كتير ...............ز تفنكرو ايه السبب؟

[وائل عبدالعزيز]

المشاركة الأصلية كتبت بواسطة ابوعبدالله

ثريد يادكتورة اضحك الله سنك هو رايح في ضيافة ابوجهل
وبعدين النظيم ياراجل مش لاقي غيرها مش تسأل الاول الله يعينك
بس الكلام دا سنة كام؟
انا قابلت د عاطف مرتين يبان انه محترم جدا بس مغلوب علي امره

السلام عليكم
أهلا بالدكتور(ابو عبدالله)
أنا لم استمر بالنظيم سوى اسبوعين فقط
ثم انقلت الى منطقة اخرى بالرياض تابعة لنفس الكفيل
بالنسبة للثريد مرة(امام مسجد سعودى محترم)
كان يعلم أنى وقتها أعزب وقدمه لى
فأخذته الى المنزل
ولكن نفسى لم تطاوعنى لكى أكله
وبلاش اقول مصيره
وعلى فكرة وبصفة عامة
القصة قديمة نوعا ما
ولكن العبر فيها هى هى الأن
لم تختلف الأمور كثيرا
فصبرا وسوف أحاول أن اجتهد فى نقل الصورة
بصيغة أدبيةوانسانية قد نشعرها
ولكن مهم جدا أن نستطيع أن نعبر عنها
والسلام عليكم ورحمة الله

[وائل عبدالعزيز]

تكملة(مقابلة مع الكفيل)

-وبعد نوم رائع على المرتبة اللى بوسست على الأرض
وصوت يشبه(الكراكات) وهو صوت التكييف الموجود بالغرفة
صحوت من نومى لأجد نفسى مع دكتور(ايهاب)
مصرى مثلى من الغربية
ومازال نفس الشعور يطاردنى
مستغرب كل شىء حولى
واليوم كمان الجمعة
يعنى حتكون أول صلاة جمعة خارج مصر
وخسارة دكتور(ايهاب) لن يصلى معى
لأننا لسنا على نفس الديانة
طبعا مش مشكلة(لكم دينكم ولى دين)
المهم بقى هو التعامل الأنسانى
تركت الغرفة وتوجهت الى الصالة

........

وعندما توجهت الى الصالة
وجدت منظرا غريبا
كأن شخصا يلبس لبس الهنود الحمر
أو قبيلة من قبائل (أفريقيا الوسطى)
فجعلت أفرك فى عينى
هل ذهبت الى ادغال أفريقيا أم الى السعودية
وزاد الطين بلة أنه كان يلعب رفع أثقال
ويوقد النار على حلة كبيرة جدا لطهو الأرز
هذا كان بداية معرفتى بالأخ البنغالى(محمد فرقان)

.......

-الاخ فرقان البنغالى كان على عكس معظم البنغلة
اقصد عكس معظم البنجلاديشين
فهو طويل وفارع أما معظمهم فقصير
وهم مشهورون بقصر قامتهم
كان يتكلم عربى كويس بل كان يتكلم باللهجة المصرية كويس
لكنه للاسف كان عارف اللهجة المصرية من بعض أفلام مصرية تسىء لنا جميعا
أما الأخ (غلام) فكان باكستانيا فارعا
كبير فى العمر ومتزوج وعصبى
يلبس ما يلبسه اخواننا فى باكستان
يشبه الى حد كبيرممثل قام بدور الباكستانى
فى فيلم حديث اسمه عندليب الدقى
عندما كان لهنيدى اخ فى الامارات شبيه له
وكان الباكستانى يعمل لديه
المهم هما دوا اللى حينزلوا معى لصلاة الجمعة
وبالفعل قد كان

........

يا ترى الجو عامل ايه برة؟
سؤال فى نفسى عندما نخرج من المكيف
شعرت بأحساس غريب
وشى أحمر وعينى عايزة تطلع لبرة بس مفيش عرق نهائى
لا يوجد بالرياض ما يسمى بالرطوبة
لأنه لا توجد عندهم مسطحات مائية
المهم صلينا الجمعة والخطبة كانت قصيرة
كان يتحدث فيها الشيخ عن(التفحيط)بالعربيات
والحوادث التى تنجم عن ذلك
وبعد صلاة الجمعة قلت اشوف حاجة نقصانى اشتريها
فأحضرت بعض المعلبات
وريكوردر صغير يعمل بالحجارة ب50 ريال
وصينى وقالولى انك اتخميت فيه
قلت ايه العمل
قالوا خلاص مش مهم المهم انه بيشتغل
كنت عايز اسمع شرايط لأهلى سجلوها قبل سفرى

......

كان دوامى عشر ساعات
فقالوا فى البداية يكون دفعة واحدة
من 4 عصرا الى 2 قبل الفجر
وبالتالى فقد عدت للمنزل بعد صلاة الجمعة
لكى أفطر واتغدى
لأنه بعد صلاة العصر سيكون عملا الى2 قبل الفجر
وفعلا أخذت المشوار أنا وايهاب(حوالى 2كيلو) مشيا حتى وصلنا للصيدلية وقد بدا على اثار الحر الشديد
وكنت متوقع أن أجد الكفيل
ولكنى لم أجده فى يوم الجمعة
وانتظرت ليوم السبت حتى أجده
وأكمل لاحقا
والسلام عليكم ورحمة الله

[وائل عبدالعزيز]

تكملة

-عندما ذهبت الى الصيدلية عصر الجمعة
كنت منهكا من الحر الشديد واريد شرب الماء
ولم تمضى نصف ساعة الا وقد بدأ معدل الزباين يعلو بصورة كبيرة
وكلما اقتربنا من المغرب كلما زاد عدد الزباين
لاحظت عليهم استعجالهم الشديد وكأن شيئا ما يطاردهم
الصيدلية ماشاء الله واسعة وبها 3 مكيفات و2 عمال ووقتها مش ملاحقين
يعنى ممكن تطلب كوب شاى بعد العشاء من العامل
لكن لا تستطيع أن تشربه من كثرة الزحام
يعن كدا الموضوع مش بس فى عدد الساعات لدوام الصيدلى
الموضوع كم الجهد المبذول خلال هذه الساعات
وهذه نكتة لطيفة لماذا؟
لأن من الممكن أن تداوم هنا فى مصر 10 او 12 ساعة لكن لن تكون مثل هناك لسببين
الأول(شدة الحرارة بالصيف تجعلك منهكا نوعا ما والمكيفات تعطى جو صناعى وغير صحى غالبا)
والثانى(شدة ضغط الزباين عليك الأمر الذى يحتاج الى سرعة بديهة وتلبية فائقة ومجهود وافر
المهم جعلت استكشف بسرعة
حليبات(سيميلاك ,بروجرس,بيبلاك وهكذا)
شامبوهات(بانتين, هيد اند شولدرز,هيربال ايسنس)
ما كل هذا الكم الهائل من المستحضرات؟
ولكن الأدوية قليلة عن مصر
وبعضها مختلف فى الأسم فقط
لكن المادة العلمية والتركيز واحد
وبعضها حبيبى مثل(بريزولين قطرة,ايزلين شربات)
اه والله كلمة (شربات) دى بتاعة الأفغان
ياله من عالم
نحن فى مصر ثقافة واحدة وان اختلفت
أما هنا فهيصة وممكن دا يعمق فى البداية الشعور بالغربة

.....

لم اعرف ايهاب سوى من كام ساعة
وجدته لا ينشط ويشتد نشاطه الا اذا حضر
دكتور عاطف أو الكفيل بعد ذلك
وقبلها عادى وأقل من العادى
المفروض الا نرائى احدا بأفعالنا
لكن هل له مأرب من ذلك؟
المهم الا أفعل مثله وأكون على طبيعتى فى كل الاحوال

.........

وجاء يوم السبت
وكان دوامى مثل الجمعة
وعلمت أن الكفيل سيحضر
ويريد أن يطلع على بنود العقد
وفعلا رأيته لأول مرة
وبدون الدخول الأن فى تفاصيل ملامحه
أخذ العقد منى ثم تفحصه ثم قال
يادكتور لقد ضحك عليك المكتب حق السفريات
فقلت له كيف يعنى؟
قال الأول مدة العقد سنتان مو سنة واحدة
(كان الكفيل معطى توكيل للمكتب ولذلك وقع بدلا منه وكنت اريد أن تكون سنة لأنى لا أعلم هل سيكون كويس أو لا )
بالأضافة الى أن السنتان دول عمر لوحده
ممكن يحدث فيها اشياء كثيرة وأنا ابن وحيد
اذا قال الكفيل(وقع يا دكتور وقع)
وشطب كلمة(سنة) وجعلها بجرة قلم(سنتين)
ثم انتبه الى شىء اخر
وكمان انا باعطى مكافأة شهر كل سنتين مو سنة
(وقع هنا يا دكتور وقع) الله يهديك
أنا بألعب فى ملعبه يعنى مفيش حل غير أنى وقعت

الحلقة الثالثة
(متاعب البداية)

[منى المسلمه]

ايه الكفيل الرزل ده
؟؟؟

المدهش يا دكتور ان السفريه دى اكيد من زمان يعنى من اكتر من عشر سنين او اكتر

حضرتك فاكر التفاصيل دى كلها ازاى ؟
ولا دى بقى الدراااماااا


وهل يا ترى المكتب اللى ضحك عليك ولا ده سيستم متبع بيعمله الاخ الكفيل ده اوتوماتيك كده مع كل الناس
؟؟

ايه العذاب ده يا اخواننا
الغربه مره فعلااا

متابعين يا دكتور
وقع يا دكتور وقع
يوووووووووووووه
آآآآآآآآقصد
كمل يا دكتور كمل

[dr_ahm]

وجعلت انظر الى مطار(الملك خالد) وأنا منبهر به
وأقارن بينه وبين (مطار النزهة) عندنا
لا يوجد وجه للمقارنة أصلا
حضرتك فكرتني بمطار أسيوط ومطار الملك عبد العزيز بجدة
في أسيوط الضابط كان بيفتش المسافرين قبل ركوب الطيارة فكان اللي بيلاقي معاه حاجة مش عاجباه كان بيرميها في الصالة
أما مطار الملك عبد العزيز حاجة تانية خالص ,,,,,, خطأ مني أن أعمل مقارنة
متابعين يا دكتور,,,,,,,,,,,,,

[stress without tabs]

المدهش يا دكتور ان السفريه دى اكيد من زمان يعنى من اكتر من عشر سنين او اكتر

حضرتك فاكر التفاصيل دى كلها ازاى ؟
ولا دى بقى الدراااماااا

وهى دى حاجات تتنسى يا دكتوره دى بتبقى محفوره جوه القلب وجوه العين
وواضح ان الوضع من 10 سنين هو هوا
الواحد اول ما بيروح لازم يلبس فى حيطة
متابعين معاك يا دكتورنا العزيز

[وائل عبدالعزيز]

المشاركة الأصلية كتبت بواسطة منى المسلمه

ايه الكفيل الرزل ده
؟؟؟

المدهش يا دكتور ان السفريه دى اكيد من زمان يعنى من اكتر من عشر سنين او اكتر

حضرتك فاكر التفاصيل دى كلها ازاى ؟
ولا دى بقى الدراااماااا

وهل يا ترى المكتب اللى ضحك عليك ولا ده سيستم متبع بيعمله الاخ الكفيل ده اوتوماتيك كده مع كل الناس
؟؟

ايه العذاب ده يا اخواننا
الغربه مره فعلااا

متابعين يا دكتور
وقع يا دكتور وقع
يوووووووووووووه
آآآآآآآآقصد
كمل يا دكتور كمل

السلام عليكم
فعلا يا دكتورة(منى)
هذه الذكريات والسفرية تبدو بعيدة
ولكن ما قصدته من ها الحكى
هو عمل صياغة ادبية ونفسية عن أشياء تحدث لنا
مثل تصوير حديث النفس للنفس
وايقاع الأحداث على وجدان وشعور المغترب
أنا الأن فى ساحة أدبية
لا اريد أن تتحول هذه الساحة الى ساحة العمل بالخارج
ولكن فقط نأخذ العبرة من طيات الأحداث
ومن الغريب أن ماحدث معى منذ سنوات
حدث مع زملاء لى مسافرون منذ اشهر على (تداوى)
مجموعة تداوى أخذت منهم عقودهم وبدلت عدد ساعات العمل لتصبح (10) ساعات بدلا من (8)
وبنفس الراتب ولم يستطيعوا فعل شىء
شكرا دكتورة منى على الاهتمام والمتابعة
والسلام عليكم ورحمة الله

[وائل عبدالعزيز]

المشاركة الأصلية كتبت بواسطة stress without tabs

وهى دى حاجات تتنسى يا دكتوره دى بتبقى محفوره جوه القلب وجوه العين
وواضح ان الوضع من 10 سنين هو هوا
الواحد اول ما بيروح لازم يلبس فى حيطة

متابعين معاك يا دكتورنا العزيز

السلام عليكم
فعلا يا دكتور كلامك سليم مائة بالمائة
هناك ذكريات تظل محفورة داخل القلب والوجدان
لأنها ليست كأى ذكريات
ويسعدنى بالطبع متابعتكم لهذه الذكريات
والسلام عليكم ورحمة الله

[وائل عبدالعزيز]

الحلقة الثالثة
(متاعب البداية)

-اه من البدايات فى أى شىء
غالبا تكون متعبة وتختلف من فرد لأخر
لا يمكن أن أحكم على سرعة تؤامك مع التغيير ولا تستطيع أن تحكم على
جرب مثلا وانت لسة بتفتح الصيدلية وأمامك زبونا وكل واحد معاه روشتة وكل واحد بيكلمك
وأنت لسة لم تدخل فى (مود) الشغل
صحيح ستضطر للبشاشة فى وجوههم
ولكنك ستبذل جهد اضافى كونك لم تدخل فى (مود) العمل
ولو أن هذان الزبونان اتيا بعد ثلث ساعة فقط لكان احتمالك لهم اكبر بكثير
هكذا دائما تكون البدايات

......

-اصابنى حالة(CONSTIPATION)جامدة جدا
واستمرت لمدة(5) أيام لأول وأخر مرة فى حياتى حتى الأن
وطبعا اخذت علاج(اعتقد فام لاكس) اقراص
وبرضه مفيش فايدة
خمسة أيام متواصلة مع العلاج
اعتقد أنها من(حمى البداية)

........

-موضوع الأكل دا ايضا مثل مشكلة
فى البداية لو مفيش خبرة ممكن تمثل مشكلة
واذكرأن يوم الجمعة استأذنت من دكتور(حمدى)
صيدلى يكبرنى من كفر الدوار ومحترم
كانت الساعة حولى 12 ونصف بعد منتصف الليل
كان الشغل قد قل فاستأذنته أن اذهب سريعا لأكل أى شىء فسمح لى(لم يكن هناك عمال وقتها)
المهم ذهبت الى أول مطعم قابلنى
وكان المطعم خاص بال(البنغاليين)
وطبعا لم اكن اعرف (مطعم وخلاص)
طلبت أكلا سريعا حتى لا أتأخر على دكتور(حمدى)
فأذا به(مشطشط) و(مولع) وفيه حاجات غريبة
اضطررت لأكله لأن مع المجهود وكبر الصيدلية
من الممكن أن تجوع
ورجعت الى الصيدلية فضحك دكتور(حمدى)
عندما علم انى دخلت مطعم للبنغلة لأكل منه

........

تصرفات دكتور(ايهاب)الذى كان يتدرب معى
كانت تثير حفيظتى
لماذا لا ينشط الا اذا جاء دكتور عاطف أو الكفيل
وعرفت أنه يريدأن يستمر بالصيدلية الأم فى النظيم
فيها مميزات(مندوبين دعايا وهدايا)
غير موجودة فى الصيدليات الفرعية
وقد تحقق له مأربه فى البداية
ولكن لم يستمر كثيرا بالنظيم

......

الغريب فى موضوع قصة دكتور(ايهاب) كذلك
أننى وهو كنا ذاهبين على كفالة رجل واحد
وسألنى كم دفعت للمكتب؟ فقلت كذا
قال وأنا دفعت كذا أقل منك بالف جنيه
وفضل يضحك على بأننى دفعت أكثر منه
ولو أنه قال ولا يهمك سهل أن تعوضه

.......

وجدت فى يديه ورق يذاكر منه فاستغربت
وقلت لدكتور(ايهاب) لماذا تذاكر؟
المضحك انى سافرت ولم أكن اعلم بالأمتحان
فوضح لى الصورة وقال أنه امتحان الهيئة السعودية
بيعطيك (60) سؤال وكلهم(MCQ)
معظمها فى الفارما والسيوتكس
والورق اللى بيذاكر منه هو ورق امتحانات سابقة مع اجوبتها والتعليل لماذا اخترنا هذه الأجابة
فصورتها معه ووجدتها فرصة لأنعش معلوماتى الصيدلانية واشغل وقتى بشىء مفيد
واكمل لاحقا بأذن الله
والسلام عليكم ورحمة الله

[الادهم]

ازيك يا د\وائــل

انا مغترب حاليا بالرياض و الاحداث اللى حصلت مع حضرتك

على الرغم انها من فترة كبيرة زى ما حضرتك ذكرت

الا وانها ما زالت تحدث وتتكرر بالنص معانا هنا فى الغربة

يظهر يا د\ وائل انه مهما تغير الزمان

هتفضل الغربة كيان ثابت بمشاكله لا يتغير بالزمن

متابع مع حضرتك

[وائل عبدالعزيز]

المشاركة الأصلية كتبت بواسطة الادهم

ازيك يا د\وائــل

انا مغترب حاليا بالرياض و الاحداث اللى حصلت مع حضرتك

على الرغم انها من فترة كبيرة زى ما حضرتك ذكرت

الا وانها ما زالت تحدث وتتكرر بالنص معانا هنا فى الغربة

يظهر يا د\ وائل انه مهما تغير الزمان

هتفضل الغربة كيان ثابت بمشاكله لا يتغير بالزمن

متابع مع حضرتك

السلام عليكم
اهلا بيك يا دكتور(الادهم)
ويسعدنى طبعا متابعتك لما اكتب من ذكريات
و طبعا الغربة فعلا كيان ثابت كما قلت
وأنا اردت أن اكتب ذكريات بصيغة أدبية
تحتوى على مدلولات نفسية نشعر بها
ولو ربنا وفقنى أن ارشد حائرا فى غربته
أو ادله على خير له
اكون قد كسبت ثوابا
وفى النهاية نحن (صحبة خير)
شكرا دكتور(الادهم) على المتابعة
والسلام عليكم ورحمة الله

[وائل عبدالعزيز]

تكملة(متاعب البداية)

-لاشك أن متاعب بداية الغربة
يكون من أهمها البعد عن الأهل والأصحاب والناس اللى بيحبوك بصدق
ولكن هذا مع مرور الوقت ووجود حافز انت مسافر من أجله بيهون شوية من أمر الغربة
ولو معك صديق أو قريب تحبه فهذا أيضا يهون من أمر الغربة
أما لو معك أخ فتهون الغربة بمقدار النصف أو ازيد

......

من أكثر الأشياء التى تزيد من متاعب البداية فى الغربة
هى موضوع(التكيف البصرى)
ذلك بأن عيناك كالكاميرا تصوركل شىء تقع عليه وتحفظه فى قلبك ووجدانك
هذه الكاميرا(عيناك) التقطت عدد لا يحصى من صور فى بلدك
قد تكون هذه الصور عبارة عن شوارع ضيقة وتحتاج الى رصف
قد تكون صور لزحام شديد تشكو منه ليل نهار
كالزحام فى المترو وقت الظهيرة
ولكن هذه الصور طبعت وحمضت فى ستوديو قلبك ووجدانك
وعليك عندما تشد الرحال وخاصة الى السعودية
أن تمسح ماعلق فى وجدانك من شوارع ضيقة وزحام فظيع وحركة دءوب وحياة اعتدت عليها
لتضع مكانها صورا اخرى
وهو ما تقع عليه عيناك فعلا
اذا تحتاج الى(التكيف البصرى) مع المستجدات
يعنى الشوارع واسعة جدا
لايوجد بها مرتجلون(يمشون على ارجلهم)
وخصوصا بالصيف شديد الحررة
واذا وقعت عيناك على مرتجل
تجده اخ هندى أو بنغالى بزيه العجيب الغريب الى ناظريك
طبعا قلبك ووجدانك قد ينفر من هذا الأمر فى البداية
ولكنه مع التعود وسرعة الاستجابة للمناظر التى
لم تتعود عليها
يبدأ وجدانك فى تغيير الصور المحفوظة عن بلدك ويستبدلها بالتى تقع عينيك عليه
وعندما تعود الى بلدك
لو كنت غبت كتير تحتاج ايضا الى وقت
لتعود الى التكيف السريع هذه المرة مع بلدك

.......

مكثت فى (النظيم) حوالى أسبوعين
ثم علمت أننى سوف أذهب الى صيدلية اخرى
فى حى اخر اسمه(حى السلى) او(السعادة)
ولم اكن اعرف معنى كلمة(السلى)
وان سمعت بعد ذلك أن معناها(احشاء الخروف)
وقلت فى نفسى
الخيرة فيما اختاره الله لى
وقد كان

الحلقة الربعة
(محمد الأسكندرانى)

[وائل عبدالعزيز]

الحلقة الرابعة
(محمد الأسكندرانى)

-قرر الكفيل(أبو محمد) أن اذهب الى صيدلية(السلى)
بالحى المعروف بنفس الأسم (السلى)أو(السعادة)
وتوكلت على الله وركبت معه فى سيارته الفارهة
وأنا افكر فى الحياة الجديدة فى الحى الجديد
وتجاذب هو معى أطراف الحديث
وكيف أن (البيروقراطية) فى مصر تعرقل وتصعب أعمال كثيرة عكس السعودية
المهم وصلت مساء الى صيدلية السلى بصحبة الكفيل
وهناك التقيت بالدكتور(مسعد) الذى قابلنى بترحاب ممزوج بالحذر الشديد
كانت انطباعاتى النفسية عن(السلى) أفضل منها عن النظيم

........

ذهب معى الكفيل الى(السكن) الذى سوف اسكن فيه
وللحق كان قريبا من الصيدلية لا يبعدعنها سوى 300 متر وتحته مكتبة كبيرة اسمها(السلى المركزية)
كان السكن معدا للعزاب فقط
وفى الدور الأول علوى
ودخلت معه اتفحص السكن الذى سوف استمر فيه فترة من عمرى
صالة متوسطة عليها احبال غسيل لزوم(نشر الغسيل)
وحجرة كبيرة بها(سريران)
واحد بالطول فى اقصى شمال الغرفة
والثانى بالعرض عند شرق الغرفة وبجوار الباب
الأخير هو من استضافنى سنتين كى أنام عليه
ويوجد بالغرفة(مكيف) صوته محتمل عن المكيف الموجود بالنظيم
واسفل مكان المكيف يوجد(ترابيزة صغيرة)
وهذه هى التى كنا نأكل عليها
أما الصالة فكان بها ممر ضيق
يوجد فيه بوتجاز صغير وانبوبة غاز
وينتهى الممربالحمام وهو من السيراميك

........

وصف لهذه الحجرة والصالة ينبىء عن قلة المبلغ الذى سيدفعه الكفيل
اضف الى ذلك أننى لن أعيش بمفردى
بل سأكون ضيفا على(محمد) ابن وعاشق الأسكندرية

.......

أكيد الأنطباعات الأولى تدوم
والاما كنا متوجسين حين نقابل شخصا ما لأول مرة
كى لا يأخذعنا انطباع سىء هو ليس فينا
ولذلك كان الحذر هو اللغة السائدة فى البداية
بينى وبين(محمد) اللى مش فى نفس الكاريير
ويأخذ نصف راتبى وكمان كان(متجوز)
وعنده منها طفلان ولكن هناك فى مصر
أما فى السلى فهو يسكن فى سكن العزاب
وبصراحة رأيته يتجرع مرارة حرمانه من زوجته وطفليه بالسنتين
كان محمد قد قضى(8) سنين فى الغربة
نجح خلالها فى أن يتزوج
وجاب شقة فى(العجمى هانوفيل)
وغير ذلك لم يفعل شيئا
لأنه كان يتحمل السنتان على أعصابه
وينزل ب20 او30 الف
اجازة مدتها اربعة شهور
يطلع فيها (كبت) السنتين
يعنى(صريف) أو (فييس)
وبالطبع كان لابد أن استفيد من شخصية(محمد)
ويستفيد هو منى شخصيا
واكمل لاحقا
والسلام عليكم ورحمة الله

[رضا محمود]

أولا" أحب أهنيك على صياغتك الادبية الجميلة

موضوع لذيذ وشيق

خصوصا اما تبقى جربت حاجات كتيرة فيه وعندك فكرة عن شخصياته والمكان الذى تدور فيه الاحداث

اخوك صيدلى قديم قضى 3 سنين فى جدة واربعة فى الرياض

تحياتى لك وربنا يوفقك

[Dr_Himaty]

مستمتعيـــــــــــن معاك يا دكتور

[احمد فايد]

ما شاء الله
اسلوبك رائع يا دكتور وائل
المفروض كنت تخش كلية ادبية مش صيدلة
كمل يا دكترة واحنا معاك

[وائل عبدالعزيز]

المشاركة الأصلية كتبت بواسطة رضا محمود

أولا" أحب أهنيك على صياغتك الادبية الجميلة

موضوع لذيذ وشيق

خصوصا اما تبقى جربت حاجات كتيرة فيه وعندك فكرة عن شخصياته والمكان الذى تدور فيه الاحداث

اخوك صيدلى قديم قضى 3 سنين فى جدة واربعة فى الرياض

تحياتى لك وربنا يوفقك

السلام عليكم
اهلا بك يا دكتور(رضا) والموضوع شيق بوجودك معنا
وجزاك الله خيرا على كلامك الجميل
وقولى بقى بعد أن عشت بالرياض وجدة
أيهما أفضل كمعيشة وتعامل؟
اهلا بك مرة اخرى د.رضا
والسلام عليكم ورحمة الله

[حمدى الشامى]

انا متابع يا دكتور معاك
وقصة شيقه جدا
قصة واقعية
بارك الله فيك وقول لنا شعورك ايه وانت بتحكى القصة
والاحداث اللى انت عشتها

[وائل عبدالعزيز]

المشاركة الأصلية كتبت بواسطة Dr_Himaty

مستمتعيـــــــــــن معاك يا دكتور

السلام عليكم
منور الموضوع يا دكتور(Himaty)
وحقيقة أنا اللى مستمتع بوجود هذه الصحبة الصالحة
جزاك الله خيرا على المتابعة
والسلام عليكم ورحمة الله