رمضان

[sunny1]

كل سنه وحضراتكم جميعا
بصحه وخير وسعاده

رمضان حينزل ضيف غالى وعزيز عندنا كمان اسبوعين

ماخبيش عليكوا

الأداره والمشرفين بيعملوا كالعاده

احلى بروجرام لأحب الشهور لينا

ولكن بما اننا انهم نتمتع بديمقراطيه اليومين دول

فقلت استغلها اكبر استغلال

عاوزين مقترحاتكم وارآكم

فيما تريدوا مشاهدته على المنتدى فى هذا الشهر الكريم

الموضوع مفتوح لمدة اسبوع

يعنى حتى 3 اغسطس


ثم يغلق لمجلس الأداره لأتخاذ المواضيع واختيارات المختلفه

يعنى ببساطه بعد كل الحوار ده

عاوزين نعرف طلباتكوا وآرائكوا

لما تحبوا ان تشاهدوه

اوعى حد يكتب طبق اليوم

انا حاجزاه

فى الأنتظار

[sunny1]

بسرعه شويه يا اخوانا

رمضان قرب يخلص

[shemois]

"انا مستبيه من حضرتك طبق اليوم بس عايز حضرتك تتوصى شويه وتجيبى لينا اطباق ناكل صوابعنا وراها"
دكتوره انا عتدى شويه افكار

1- ممكن نعمل ورشه عمل رمضانيه كده نبدا نقترح فيه عبادات واعمال خير تقربنا الى الله يعنى مثلا نتفق على ختمه قرأن كل كام يوم مثلا نعين بعض على الاذكار
2- ننزل كل يوم جزء من تفسير السعدى لانه ابسط تفسير ونتفق نقرا كل يوم جزء بتفسيره
3- نعمل حاجه اسمها مكسرات رمضانيه يبقى فيها اذكار او ادعيه كل يوم نكتب ادعيه واذكار بحيث نفتح نفس بعض على الاذكار والتسابيح
4- نتفق على تفعل الصفات المحببه زى اماطه الاذى عن الطريق مساعده كبار السن مساعده الفقراء بر الوالدين وصله الارحام ونختار موضوع ونتكلم فيه كل يوم ممكن نشوف مين يحب يشترك فى الموضوع ونختار 30 عضو كل عضو يحضر موضوع وينزله فى يوم حسب جدول تعمله الاداره
دول شويه اقترحات يارب تلاقوا فيهم حاجه مفيده لرمضان

[shemois]

4- تاملات ..........وده موضوع فيه نكتب فيه حاجات من اللى حوالينا بنستشعر فيها قدره الله

[sunny1]

شكرا لتفاعلك السوبر سريع
د. shemois

واوعدك باطباق رمضانيه عسل
طبيخ ملايكه من الدرجه الأولى

سانقل افكارك الجميله لمجلس الأداره

[Zamorano]

المشاركة الأصلية كتبت بواسطة sunny1

واوعدك باطباق رمضانيه عسل
طبيخ ملايكه من الدرجه الأولى

اللهم لا اعتراض

[DR/sayed milanoo]

[ابو بكر]

بعد اذن الادارة كنت عايز أفتح القناة بتاعتي تاني

علشان المسحراتي والفوازير

[Zamorano]

المشاركة الأصلية كتبت بواسطة ابو بكر

بعد اذن الادارة كنت عايز أفتح القناة بتاعتي تاني

علشان المسحراتي والفوازير

تعرف حضرتك إني فكرت أفتح قناة تعليمية للصيادلة ، القناة الفضائية بيقولوا إن إيجارها حوالي 100 ألف دولار في السنة ، لكن لقيت الدكتور صلاح الراشد بعد ما باع قناة سمارتزواي ، نقل حلقاته المميزة على اليوتيوب ، فأنا فكرت أعمل قناة لعرض الشروحات العلمية الصيدلية على اليوتيوب ، ودي فرصة نعرض الفكرة كمان على فيوتشر فارماسيست ، إننا نعمل قناة خاصة على اليوتيوب ، نحط فيها شروحات علمية و أفلام وثائقية تخص الصيدلة وطبعاً كله فري ، بس ما حدش يحط صوره ولا يورينا طلعته البهية فيها .
للشروحات والبريزنتيشن فقط
هتبقى قناة ساحقة ومتميزة للعرض والشرح ولجمع التحف والنفائس

[Zamorano]

بسم الله

بما إن الباب مفتوح للاقتراحات فأنا طول عمري بأحلم بمركز أبحاث ، وبما أن التكلفة عالية جداً ، فأنا عاوز أفتح مركز أبحاث افتراضي بس مستواه عالي

Virtual Research Center

أول مزايا المركز ده هو إنه هيجذب الكوادر العلمية المتخصصة ، وهيخلي الصيادلة على احتكاك مستمر بالأبحاث ويرفع مستواهم العلمي والتفكيري ، هيشوفوا الأبحاث ويتعلموا يقرؤوها وغيره .

طبعاً عمري ما شفت حد فكر يعمل مركز أبحاث افتراضي بالمرة لكن كما يقول المثل اللي ما يرضاش بالتوت يرضى بشرابه.

كتير من أساتذة الجامعة بيدخلوا المنتديات ولكن لا أحد بيعرف عن نفسه ، وبياخد المعلومة ويطلع ودي شفتها مع أستاذة جامعة دخلت المنتدى وعرفتني بنفسها ، والسبب إنها قالت لي هل أنت أستاذ جامعة لأن طريقة شرحك تشبه طريقة شرحي للطلبة ، وطلبت معلومة معينة ولم أرها على صفحات المنتدى بعد ذلك.

[sunny1]

المشاركة الأصلية كتبت بواسطة Zamorano

اللهم لا اعتراض

ايوه
بلاش تعترض
علشان حاتكلوه يعنى حتكلوه
اومال مين يدبس فى اكلى
انا لوحدى؟
ابدا

[sunny1]

المشاركة الأصلية كتبت بواسطة ابو بكر

بعد اذن الادارة كنت عايز أفتح القناة بتاعتي تاني

علشان المسحراتي والفوازير

فكرة المسحراتى لطيفه
عند حضرتك فكره ازاى نعملها؟
وباى توقيت

[sunny1]

المشاركة الأصلية كتبت بواسطة Zamorano

تعرف حضرتك إني فكرت أفتح قناة تعليمية للصيادلة ، القناة الفضائية بيقولوا إن إيجارها حوالي 100 ألف دولار في السنة ، لكن لقيت الدكتور صلاح الراشد بعد ما باع قناة سمارتزواي ، نقل حلقاته المميزة على اليوتيوب ، فأنا فكرت أعمل قناة لعرض الشروحات العلمية الصيدلية على اليوتيوب ، ودي فرصة نعرض الفكرة كمان على فيوتشر فارماسيست ، إننا نعمل قناة خاصة على اليوتيوب ، نحط فيها شروحات علمية و أفلام وثائقية تخص الصيدلة وطبعاً كله فري ، بس ما حدش يحط صوره ولا يورينا طلعته البهية فيها .

للشروحات والبريزنتيشن فقط
هتبقى قناة ساحقة ومتميزة للعرض والشرح ولجمع التحف والنفائس

المشاركة الأصلية كتبت بواسطة Zamorano

بسم الله

بما إن الباب مفتوح للاقتراحات فأنا طول عمري بأحلم بمركز أبحاث ، وبما أن التكلفة عالية جداً ، فأنا عاوز أفتح مركز أبحاث افتراضي بس مستواه عالي

Virtual Research Center

أول مزايا المركز ده هو إنه هيجذب الكوادر العلمية المتخصصة ، وهيخلي الصيادلة على احتكاك مستمر بالأبحاث ويرفع مستواهم العلمي والتفكيري ، هيشوفوا الأبحاث ويتعلموا يقرؤوها وغيره .

طبعاً عمري ما شفت حد فكر يعمل مركز أبحاث افتراضي بالمرة لكن كما يقول المثل اللي ما يرضاش بالتوت يرضى بشرابه.

كتير من أساتذة الجامعة بيدخلوا المنتديات ولكن لا أحد بيعرف عن نفسه ، وبياخد المعلومة ويطلع ودي شفتها مع أستاذة جامعة دخلت المنتدى وعرفتني بنفسها ، والسبب إنها قالت لي هل أنت أستاذ جامعة لأن طريقة شرحك تشبه طريقة شرحي للطلبة ، وطلبت معلومة معينة ولم أرها على صفحات المنتدى بعد ذلك.

احمممممم
مش فاهمه العلاقه بين مواضيع رمضانيه وبين الفكرتين دول

[Zamorano]

المشاركة الأصلية كتبت بواسطة sunny1

احمممممم
مش فاهمه العلاقه بين مواضيع رمضانيه وبين الفكرتين دول

أن تكون إنطلاقتهما مع بداية شهر رمضان ، هو فيه أحلى من كدة ، تكفيهما البركة أن يكون ذلك موعد بداية انطلاقهما.

[Zamorano]

بلاش اللي فات

هنلعب لعبة الثلاثة من أقوي خمسة في المية في العالم

هنعرف اللعبة في رمضان إن شاء الله

بس دي لعبة للحريفة بس

[DR/sayed milanoo]

المشاركة الأصلية كتبت بواسطة ابو بكر

بعد اذن الادارة كنت عايز أفتح القناة بتاعتي تاني

علشان المسحراتي والفوازير

ياريت دكتر محمود القناه ترجع تانى

وانا معاك بنادى الاداره

[ابو بكر]

المشاركة الأصلية كتبت بواسطة DR/sayed milanoo

ياريت دكتر محمود القناه ترجع تانى

وانا معاك بنادى الاداره

كويس ان الجمهور لسه فاكر القناة ود سيد ميلانو رجع تاني كويس المسحراتي يبقي بالليل حوالي الساعة 2- 3 بالليل ونحكي فيه عن أثار مصر مثلا وشوية اهازيج كده معاه لزوم الشغل

[منى المسلمه]

يا مرحب بالجميع

دلوقتى يا جماعه بعد إذنكم اللى عنده فكرة موضوع متميز ومختلف يطرحها هنا ويعطى اسم للموضوع ويكون موضوع متخصص لرمضان لانه هيعرض فى ساحه منفصله خاصه بالشهر الكريم
ويأكد انه هيبدأه ويبقى مسئول عنه فى رمضان ان شاء الله تعالى

علشان ننظم المينيو بتاعت الفطار من دلوقتى

نموذج
"حلوه نموذج دى"

- "اسم الموضوع"
- فكرته:-..........
- المسئول عن تقديمه ومتابعته ...........

ممكن على فكره يشترك اكتر من واحد فى موضوع يتفقوا مع بعضيهم

وكل رمضان وانتم بخير

[sunny1]

المشاركة الأصلية كتبت بواسطة منى المسلمه

- "اسم الموضوع"
- فكرته:-..........
- المسئول عن تقديمه ومتابعته ...........

ممكن على فكره يشترك اكتر من واحد فى موضوع يتفقوا مع بعضيهم

وكل رمضان وانتم بخير

حكم القوى
حاضر ياحكومتنا
حابتدى انا

اسم الموضوع

طبيخ الملايكه
اقصد
حنفطر ايه النهارده

فكرته

واضحه طبعا
بس نبدأ قبل بداية رمضان بنصائح غذائيه عامه للصائمين


المسؤل عن اعداده وتقديمه

جلالتى

هو انا حاعمل كل حاجه لوحدى
ماتشتكوش بقى
اللى عاوز يساعدنى يبعتلى
وننسق سوى

اى خدمه ياحكومه

[Zamorano]

المشاركة الأصلية كتبت بواسطة sunny1

حكم القوى
حاضر ياحكومتنا

شقطونا لبعض بقى

اللي في نفسه حاجة يقولها

وما نحرمش نفسنا من أي فكرة لحد عاوز يقولها

ما تدفنوش الأحلام

أي فكرة تتقال ممكن تتعدل علشان تتعمل في رمضان

واللي ما ينفعش في رمضان ده ممكن ينفع لغيره

لا تحكم على الغد بمقدرات اليوم

الموضوع أوبن بوفيه اللي عاوز حاجة يقولها بعد إذن صاحبة الموضوع و الإدارة الكريمة

تحياتي