كفاح طبيب مصرى على الحدود

[timo_dentist]

لانه شرب الدرتي مثلي
ثانيا
عايز اشترك واكون عضو عندكم بالجمعية
اعلموني بكل الاشتراطات ببريدي الالكتروني

بتضمو اطباء اسنان معاكو

ثالثا مش عارف اساس انزل موضوع كان هيكون قنبلة عن يومياتي بجنوب سيناء ويوميات تشيب في التكليف ومضطر انزل اول حلقة هنا وانتم تعملو موضوع جديد وهنزل الحلقات تباعا
وعلى فكرة يا خلود لو تسمحلي اقول كده
انا كاني انت بالظبط و
كل اصدقائي صيادلة والله
واعزهم محمد صلاح
ودايما اصاحبهم في كل مكان جديد
في انجذاب معاهم يمكن عشان كنت هخش صيدلة والنصيب بقى
لازم نتقابل ونكون اصدقاء مش هينفع نت وكده خالص انا حاسس انن اصحاب والله مش كلام مجاملة ونت
قولي ازاي سيبتلك رقم موبيلي
ساعدني انضم ليكم بالجمعية واطلع كارنيهاتها

اسمحلي انزل اول حلقة هنا واعملها موضوع منفصل واعلمني بالبريد الخاص بيا

وعرفني هنتقابل ازاي انا جاد جدا
وانا اللي هشيل حساب الاشربة والسيرابات
ههههههههههه
كفاح طبيب مصري على الحدود
--------------------------------------------------------------------------------
اقسم بان كل كلمة قادمة في
هذة الذكريات حقيقية وغير منمقة
لتعلمو مقدار تضحيات الاطباء
ومقدار تضحياتي الشخصية
وليس الغرض تلميعي شخصيا
ولا الغرض المادي
لكن اثرت ان اصيغها للنشر الادبي
نظرا للنجاح د كتور خالد في يومياته كصيدلي بالغردقة شجعني انشر انا كمان
يومياتي عشان تعرفو ذكرياتي
بجنوب سيناء
وبهدلتي من الطر لابوزنيمة وايورديس ودهب وشرم واخيرا نويبع وطابا
ولو لقيت ترحيب بيومياتي لو مهتمين بمعرفة معاناة احد الاطباء هزلكم الاجزاء اللي كتبتها
وهي للعلم تعدت ولا اخليها مفاجاة والله العظيم كل ماذكر حقيقي ومعايا صور كمان
هنزلها تباعا
بس احسانكم مهتمين ولو شعرت بعدم الاهتمام
اللي يحب يتابع الذكريات ديه ويكمل حلقاتها
على جروب الياهو الخاص بي
اسمه
timobitar
من غير كلام كتير هعرفكم ليه اتأخرت في النشر
وظروفي في كتابة المقالات ديه
ومنتظر ردود كتيرة
وانتظرو مقابر المديرية او سكن اطباء المديرية
ورحلة السفرالشقية وكيف تغلبت على العائلة واقنتعتهم بالاستلام

[timo_dentist]

مش عارف ابدأ منين
المقال بتاعي
لقد مر وقت طوبل للتفكير للرجوع للتدوين وكتابة المقالات
الذاتية والتي يمكن لا تهم الكثيرين
ولكن رغبة في
محاسبة النفس
والله وصولي الان الي الكيبورد للكتابة
ربما من اصعب القرارت التي اخذتها من كام يوم يمكن اصعب
من تغيير كريري للعمل
وربما لان قد مر عام على مقالي الاول كشف حساب
ومحاسبتي لنفسي الشديدة
لاني مش بحب اضحك على نفسي
كتيرمن اصدقائي الافتراضيين اللي يمكن
الفترة اللي فاتت كانو اقرب لي
من اصدقائي الحققيين
اللي لما ابعت للحد رسالة او اكلمه يتصنع النوم او الانشغال
والتهرب من المقابلة
مش عارف ليه
والله بقالي شهور لم ارى اي من اصدقائي
واللي مزعلني لما اشوف احد اصدقائي بالكلية يتنصل لي ويدير
وجهه حتي لايتكلم معي
للمجرد الاسؤال عن احواله
وللعلم لست من الذين يلحون بالسؤال فاكتفي
انت عامل ايه ومعرفة اكثر اصدقائي اني مستمع جيد
والكثرة منهم يدعون اني كتوم وا غامض
ما علينا
خلينا دلوقتي مع مقالنا
ومش عارف هيعجبكم ولا ايه
يمكن على راي محمود المليجي لما احمد زكي في اسكندرية ليه
بيقولوه انت بتترافع عني وانت متأكد اني هدان
فرد رد غريب
يمكن تكون تنفيسة للحد
ويمكن صحافي نظيف يكتب مقال كويس
وانا بقول يمكن حد يتعلم من اخطائي
حد يحسسني انه موجود ومتابعني
سبب الكتابة النهاردة مرور عام كما قلت على اخر مقال
لي للمحاسبة النفس وهي ثقافة غير موجودة للعرب عموما
لانهم احسن خلق الله !
لكن انا ليا شخصيتي وبحب احاسب نفسي
ومقال
am i a good citizen or not?
والذي ترددت بنشره حتى الان شاهد على ذلك
منذ فترة كتبت انه انقضى مدة ولم احقق شئ
وربما كان ذلك جلد للذات
وها انا اخرج الان لاعترف امام نفسي
او اترك لكم الحكم
من انسان لانسان
رغم كثرة مشاغلي وتثبيت نفسي كطبيب جدير بالعمل
والسمعة التي لا بأس بها في منطقة عملي
والقضاء على فكرة
الكومي او بتاع كله
شيفت هنا وشيفت هناك
و4 امكان شغل وبتاع كله
بدأت اركز وانضج واكبر في مكان واحد
واسمي بقى معروف في محيطي
وده جاء بشكل مفزع على علاقاتي الاجتماعية
يمكن مزرتش اهلي الذي لا يبعدني عنهم بضعة الكيلو مترات
اينعم في محافظة اخري
بس ايام كنت بشتغل في امكان ابعد وكنت بروحها كل يوم ده مش مبرر خالص
لم اقابل اصدقائي ونقعد نتعشى ونتسامر زي ايام الكلية يمكن
مكان محل البيتزا المفضل بالعباسية اتهد عشان المترو الله يسامح اللي كان السبب
ولم اقابلهم الا في فرح اخت للصديقي الانتيم
يعني لازم اروح ولو تقضية واجب
لم اعد صديق محبب لاولاد عمومتي اللي بيعتبروني
العقل المفكر وتراجعت اسهمي كثير
ولم اعد اجتمع معهم خالص
ده مقابل تثبيت نفسي في الشغل واخد دراسات عليا
وتظبيط حياتي الشخصية
ومش هتكلم عن ما جمعته من مال لاني توصلت
ان المال لا يساوي السعادة اه والله !
يعني اخد نوبتجيات والتقاتل لزيادة دخلي مقابل اقل
عدد من ساعات الراحة والنوم الهانئ
ايضا مقابل عدم متابعة اي افلام اللي هي عشق حياتي
باعتبار اني كاتب ومتزوق للفن وكنت مقدم
في معهد السينما وعاشق للسينما
لم اعد اتعلم دورات كمبيوتر وما بدأت من تعلم لغات
البرمجة مقابل المشاركة في اعمال ادارية بمستشفيتي
والانغماس بتصميم مواقع الكترونية
طغى كل ذلك على كتاباتي ولم يعد يجلي الوحي للكتابة الشعر
وكلكم واخدين بالكم من ده بعد ما كنت بنزل اربع
قصايد كل اسبوع
العمل الخيري
طلعت قوافل طبية ولكن فوت كام واحدة كسل ممكن تعب يجوز
هدتة حيل ربما
مأثر في جلسات العائلة بشكل رهيب للدرجة اما والدتي تقعد
تسرد اخبار فلان اوعلان او اولاد اخويا
اتخنق واقلب على ماتش
الفترة الاخيرة كنت مشغول بامتحانات وشغل
وكمان قصة حب لم تكتمل
رغم محاربتي لتكتمل
كانت اعزب قصة حب وخلتني مبسوط للدرجة سمينا اولادنا
وجهزت نفسي ماديا وكل شئ
لكن حدث ما يحدث عادة
افتراق لقد خطبت
عموما ربنا يوفقها بجد
لحد دلوقتي بحبها ومش عارف اتخلص من حبها
بس لازم انساها وده اللي بحاول اعمله
حاليا ولدتي بتزن كل شوية لازم تستقر وتشوف اولادك
وانا منفض كالعادة يمكن مستني نصيبي
الله اعلم !
كل شئ بنصيبه
لم اعد امتلك الوقت للتفاهة وتضييع الوقت
اصبحت انضج بس اشد قسوة الا من لحظات
قضيتها مع حبي اللي تطرقت اليه
لم يزدني فرحة الا برجوعي محرر بمجلة على
ادها ولسه الكترونية بس اشبعت جوايا الصحفي
ولم ازد ولا مليم من ورا ده
اخر ما توصلتله اني كنت مشغول للدرجة اني نسيت
مايجب ان افعله من روابط اجتماعية
نحو اهلي واصدقائي وصحتي
لم اقلع عن التدخين ولم اترك عادة شرب القهوة على الريق مع سيجارة
ولم اترك طموحي الذي جعلني
في لهاث طوال الوقت
ولم اترك عادة التخطيط والادارة وادارة الوقت الضائع
لم استطيع انجاز قراءة عدة كتب وقصصات ورق للقصص قصيرة
واطنان من الجرائد وكاني كنت من اهل الكهف
ودلوقتي فضيت للدرجة
الدادة كل يوم تيجي تشيل من زبالة العيادة جرايد بالكيلو
ويتسألو ايه الغزو الثقافي ده
وده للحق هواية المعرفة
وده اللي خلاني عاشق للنت والمعرفة وحب معرفة الناس وطباعهم
انا عاشق للمعرفة خصائص البشر
يمكن لاحتكاكي بالبشر كطبيب
المهم عارف اني نسيت كتير ويمكن في حاجات عديتها عشان الرقابة
ههههههههههه
من فترة فتحت كراتين كراكيبي
وكما كتبت عن مقال كراكيب
اني بعشق كركيبي
للدرجة لما جاتلي هجرة كندا بقيت بفكر هيسامحولي
اجيب الحاجات والكراتين ديه ازاي
فاكرين حوض سمك الست اللي عملت دور
بطلة تياتينك
واخدة عزالها المركب
انا كده
شايل ذكرياتي وكراكيبي على كتفي وداير
وكل حد عرفته له ركن في مخي او قلبي
من حب او كره
ليه ذكرى
ويمكن اللي كرهتهم قلائل
وبطبعي زهيمري قديم
بحب ارجع لكركيبي واجدد ذكرياتي
من توكة بنانيتي او كرت فيه كلمة واحدة
او مذكراتي الورقية اللي كنت معتاد اكتبها
لنفسي
ودلوقتي بثقل بيها عليكم
الله اعلم
حبيبت افضفض ومستني رايكم
هو انا كده كسبان ولا خسران
علما باني مقتنع بان السعادة سعادة النفس
في كوب شاي في قهوة بنص البلد وشيشة مع شلة اصدقاء حول دومينو
او تمشية على الكورنيش
او مسكة ايد حد عشقته يوما
او نكتة رايقة او نمة على حد او مواقف رزلة في الشغل نتبادلها مع الاصحاب بجد
خارج اطار المصلحة
والفلوس مجرد وسيلة كده ولا انا غلطان
د حاتم البيطار

[منى المسلمه]

بسم الله الرحمن الرحيم

انضم الى منتدانا مؤخرا
د. حاتم البيطار
طبيب اسنان

ومن اطلاعه على موضوعات الذكريات فى صورتها المسلسله
فى المنتدى الادبى
وبخاصه موضوع دكتور خالد العيوطى عن يومياته فى الغردقه

كان له ذكريات هو ايضا يود ان يشاركنا معه فيها

وتم نقل مشاركاته التى اوردها فى موضوع اخر الى هنا
ليكون موضوع خاص بذكرياته

[timo_dentist]

الجزء التاني
عارف اتأخرت عليكم بس والله كل لما الالقي نفسي فاضي بحاول اقعد اكتب
ويمكن رجعت اكتب تاني بهمة ونشاط منذ فترة
وده لاني
بحاول اتصالح مع نفسي طول الوقت
واخدت شوية قرارت
واصبح بداخلي قناعات مش هتتغير
وتقبلت احداث بتحصلي حاليا
يمكن كنت كلمتكم عنها منذ فترة
ليا صديق كل ما يشوفني ادام الكمبيوتر يتخنق ويقولي انت جاي تحضر دراسات عليا
في النت ولا الليزر
ههههههههههه
زميلي احمد ونفس التخصص بس
هو زي كتير فاكرين اني حياتي مجال الطب وبس
والله ده بالنسبة ليا اكل عيش
او مهنة لكن الكتابة والابداع والاخراج والتصوير والنت
والحاجات ديه اللي الناس بتعتبرها تفاهات هي اللي مخلياني قادر اعيش
وساعات كتابتي ونشر اعمالي حاليا
هي لذة حياتي واللي بيهونو عليا الحياة
مش هضخم الموضوع واقول اني بعيش مأساة لاني متيسر ومعايا مهنة
وموظف حكومة اد الدنيا
هههههههه
حلوة موظف دي اه والله ودرجة ثالثة لان تعييني من 2003
وكنت حكيتلكم ازاي اتورطت في جنوب سيناء
وهلمح من جديد للناس اللي لسه بتقرا مقالتي ديه
بعد الامتياز بيجي التكليف وللعلم انا كنت متفوق اثناء الكلية
وللاسف برضك اخدو عدد محدود في الكلية كمعيدين وقصو ريشي في البكالوريوس
مش وقت حقد طبقي
لان المعينين بالصدفة كلهم اولاد دكاترة
ما علينا
قدمنا ورقنا بالكلية بالرغبات والاولى ل15 رغبة لم اكتب سيناء خالص
وكان قدري بيسوقني اروحها
لان جالي محافظة بني سويف
وكنت اعرف زميل بيشكر في جنوب سيناء وازاي البدو هناك ملايكة والمديرية
جميلة والطرق سهلة والسفر ممتع
والبحر روعة وكانك رايح هاواي وبنتين من اللي بيرقصو بالورد
حوليك المهم تظلمت شوفو الخيابة
اني انقل من بني سويف اللي تبعد حوالي ساعة من القاهرة
ومن السهل توقفها في اشارة هنابالقاهرة
المهم رحبو بالنقل للجنوب سيناء
وقد كان
حيرة اروح استلم ولا ايه مش انا اللي طلبت
المهم الكل قعد يخنق فيا ويفكرني بضربة شرم اللي تزامنت مع اول
سفر ليا عشان اتوزع
وقد كان روحت اول توزيعة سانت كاترين
والله يكرمه واحد كرهني فيها قبل ما اروحها
وعدلتها للطابا والتي تتبع منطقة نويبع
واكملكم في الحلقة الجاية اجراءات الاستلام
--------------------------------------------------------------------------------

[timo_dentist]

وده لما اتنقل المواضيع بواسطة الدكتور الفاضلة منى
ولم مش مترتبة او منظمة فوالله ماليش يد وهحاول اضبط الدنيا بعد كده اصل جديد هنا
ومستني ردودكم
د حسن
د تامر عزت
د وليد
د سمر
بجد انا تعبت في تجميع الحلقات ديه
ومستني ردود كتير ولو حصل هنرفع الصور وهنزلها بجد مزهلة ولو عايزين كمان فيديوهات تحت امركم بس اشوف تفاعل

[منى المسلمه]

ارجو من د. حاتم ان يقوم بقراءه قوانين المنتدى جيدا

الصور والفيديوهات غير مسموح بيها

واعتقد ان المتابعيين هيستمتعوا باسلوب حضرتك فى سرد اليوميات

جزاكم الله خيرا

[timo_dentist]

هل ديه فيها كمان كلام
وصور الاهمال وصور السكن والطبيعة ديه كمان ممنوعة طما خالد نزل شكل المستشفى متمنعش ليه
افهم ممكن؟

[منى المسلمه]

مرحبا من جديد

من قوانين المنتدى

- عدم وضع الصور الشخصية أو السياسية أو الطائفية أو المخالفة للمباديء والقيم الاسلامية المتعارف عليها

-يحظر وضع صور للنساء بصفة عامة على صفحات المنتدى .. و يستثنى من ذلك ما يورد في صور تقارير اعمال المشروع .

-لا تنشر أي صور لانشطة المشروع أو أعماله الا بعد موافقة مدير المنتدى عليها



- لا يحق لأي عضو انتقاد عضو آخر أو مشرف أو انتقاد مشاركات الآخرين على ساحة المنتدى حتى لو كانت مخالفة للقوانين ولكن يرجى منه ابلاغ ادارة المنتدى عن طريق مربع المخالفات الموجود في أسفل يمين أي مشاركة ولادارة المنتدى تقدير الأمر والتعامل معه

-يمنع وضع روابط لأي مواقع أو منتديات أخرى ولو بغرض التحذير منها أو الدعاية لها ويسمح فقط بروابط المواقع العلمية (الصيدلانية او الطبية) المفيدة (وليست المنتديات)

-يمنع وضع عناوين بريد الكتروني خاصة أو أرقام هواتف محمول خاصة..ويستثنى من ذلك ساحة اعلانات الوظائف المجانية فقط..وفي حال أن يثبت سوء استخدام هذا الأمر سيتم منعها أيضا في تلك الساحة ويكون التواصل بين أصحاب الوظائف والراغبين في التقدم لها عن طريق ادارة المشروع.
__________________

اولا
لو الصور اللى حضرتك هترفقها بعد موافقه المتابعين لا تتجاوز القوانين ووافقت عليها الجهات الاشرافيه يبقى مفيش مشكله ابدا

ثانيا
اى تعديل فى مشاركات حضرتك نابع من مجموعه القوانين اللى اخترتها لحضرتك فوق دى

ثالثا
لو د. خالد خالف القوانين فى شئ اكيد هيتقبل التطبيق
بايجابيه ووعى

ونحن فى انتظار استكمال اليوميات بعيدا عن هذا الصخب

[timo_dentist]

بشوف قوانين وبس ومشفتش تعليقات
هو كله ضرب ضرب ولا ايه
الصور مفيهاش ستات ولا عيال حتى
متقلقيش المهم عجبتك اليوميات

الجزء الثالث
بعد مشاجرات مع والدي ومباركة والدتي لانه مستقبلي
سافرت وجوايا جرح لان المكان بعيد
حجزت للطور الساعة 1 صباحا لاصل تاني يوم 6صباحا
طبعا الطريق كان ضلمة ومخنق وكله نايم لان في ناس طالعة شرم ودهب وبالنسبة لهم الطور ده
تسخين المهم ولا كافيتريا فاتحة ولا حمام ولا شخص اسأله هي المديرية منين
وعرفت بعد كده ان الميكروباص احسن واكثر حميمية وكمان لو زميل الكرسي مسلي بتكون رحلة سهلة والعكس اكيد
شق الباص طريقه في غايبات الطريق اللي في اوله منير على الجانبين والكل عارف
طريق مصر السويس اكتر من 180 كيلو ظلمة كحل بجد
شغلت السي دي وحاولت اغلوش واتخيل
هو شكل هناك ايه
طب لو المديرية بعيدة
طب لونسيت ورقة هرجع ازاي المسافة ديه
عارفين الشيطان لما ينط في دماغ واحد خايف بيرقص فيها روك
ويعملك صداع اقوى من سماع الهيفى ميتال اللي كنت بسمعه زمان
المهم وصلنا اول نقطة تفتيش بوابات السويس
وده خلاني احس اني ممكن ارجع بسهولة فيها بشر وحياة وده اخر تجمع بشري حقيقي هشوفه
طلعو البطايق وكده
وبعدين 25 كيلو ظلمة مش كحل بس دورانات عشان نخش قارة اسيا ونفق الشهيد احمد حمدي
وده بقى هفرلده مقالة لوحده وهو سر حبي لفيلم جنة الشياطين
بتاع طبل لو حد يعرفه
ده المكان الوحيد اللي في مصر لما بكون فيه بنسي تعبي وقلقي وده عرفته
على مر سفرياتي هناك
شعور غريب وانت جواه تشم ريحة البحر والبروده صيف شتاء
ويا سلام لو كنت مروح البيت
بكون في اسعد لحظاتي لانه اخر نقطة في سيناء
اول مرة فرحت بانواره وحسيت فعلا اني بنتقل من حياة لحياة ومكان وزمان لاخر
مش بهول والله ده شعوري وانا حر فيه
بعده انطلق الباص للغوص في ظلام دامس لاتري فيه الا عيون القط على الجانبين
ونجوم تتلالأ وسماء صافية لوحة جميلة ولكنها مخيفة
ولكن اتعودت عليها واصبح السفر ليلا مزاج ونادرا ما سافرت نهارا
وده لأسباب هحكيلكم عليها
بعدين مش دلوقت
لم اجد في الطريق ما يسليني الا عسكري مجند وبقاله سنة هناك واقعد يوصف شكل الجبال ولم اراها لان الدنيا ظلمة
المهم توقفنا براس سدر للنزول ناس
عجبني انها مدينة قصدي نصف شارع بشبرا
والباقي فيلات خاصة
بس حسيت ان روحي مش مستريحة فيها
لاني قررت كل مدينة اقيمها عشان اتوزع فيها
وانا عارف انها الاقرب لمنزلي
بس معرفش ليه كرهتها المهم كملنا وتوقفنا في ابو زنيمة ويليها ابو رديس
وهي للحقيقة المرة عبارة عن حرس حدود ووحدة او مستشفى وكام مبني ومصنع اسود كلحان وكام بير بترول
وشوية نخيل وهعرفكم عرفت منين لاني درست الطريق من خلال عودتي ظهرا
واثناء عودتي من العمرة بالباخرة شوفت خليج السويس كله واحنا على سطح الباخرة
مرينا على مفارق سانت كاترين ووادي فيران
المهم واحد زميلي كان مفطمني حلوة مفطمني ديه
ان وادي فيران ده منعزل ومبيجهوش تفتيش واخر سلطة
واللي احلى منه وادي مسلة طبعا في ناس
متعرفش الا حمامات فرعون - جبل موسى وشرم ودهب
وديه معلومات السياح
بس
انا بقيت متمرس
وفي اخر التكليف وقعت في حبها اه والله هحرقلكم القصة
المهم وصلنا بعد الفجر واول الخنقة
واحد من الامن بيقولي انت طالب جاي تعمل ايه
ومربي ذقنك ليه ارجع في نفس الباص اه والله
تخيلو قبل بوابة الطور ووصولي
ده غير انا جوايا رافض الجبال والتكليف واتخنقت لما شوفت الهو والجبال
احساس مرعب ولا بني ادم اشوفه جمال ونخل ورمل
المهم طلعت اوراق او بالاحرى
مصوغات التعيين
هههههه
اقتنع اني طبيب بس في دماغه اني اخوان ههههه
المهم وصلنا الطور
نلتقي في الجزء الرابع

--------------------------------------------------------------------------------

[timo_dentist]

مش هنزل حلقات جديدة الا اذا رديتو
اوكي

[منى المسلمه]

تشجييع اهه المره دى

يبدو ان المناظر الطبيعيه لعبت دور كبير فى الفتره دى يا د.
وان الصور هتكون حلوه
بس لو مش مخالفه للقوانين

[timo_dentist]

انا مش عبيط انزل صور بالشكل ده ديه صور عادية والحلو هتسيفوها على الكمبيوتر
الا صحيح مفيش غير حضرتك في المنتدى
يعني ممكن حد يرد تاني
وميرسي على تشجيعك لو فعلا من قلبك
انا عايز اعرف رايكم
لانى ناوي قريب انزل 3 كتب
2 قصص وواحد ديوان
عاشق الصور الطبيعية بسيناء وطابا ونويبع

[dr_pharma girl]

go on ya doc
waiting 4 the next
thnx

[سمر الباز]

ده غير انا جوايا رافض الجبال والتكليف واتخنقت لما شوفت الهو والجبال
احساس مرعب ولا بني ادم اشوفه جمال ونخل ورمل
المهم طلعت اوراق او بالاحرى
مصوغات التعيين

سبحان الله
لولا اختلاف الآراء....لبارت سينا
بالعكس يا دكتور دي اجمل مافي سينا جبالها ورمالها وطبيعتها الصافية
وعدم تكدسها بالسكان

اقتنع اني طبيب بس في دماغه اني اخوان ههههه
المهم وصلنا الطور

وبعدييييييين؟
waiting for the next

[timo_dentist]

متشكر للتفاعلكم يا د زفاراما وكمان
د. سمر البار

على فكرة اللي يشوف و يعاصر التجربة غير التعليق وقراءتها
عشام كده انا حسيت بخالد العيوطي وقررت اكتب تجربتي ويارب تعجبكم
واستئذنوالي الاخت منى
عشان انزلكم شوية صور من هناك تحسسكم بالبحر والصيف ومش هتندمو ابدا
اصلها شدة السلخ عليا اوي

الجزء الرابع

الجزء الرابع
نزلت مع اللي نزلين وكل واحد عارف رايح فين العسكري عارف وحدته فين
والموظف ليه سكن اداري انما انا اروح فين
نزلت ادور على كافيتريا
لقيت والله لمضة (بتاعة نور)مش الطول الموجي هههههه
على كوخ طلع فيما بعد كافيتريا ملحق بها حمام دخوله بخمسين قرش
دفعت الاتاوة وشربت شاي في الكوخ المعفن ب3 جنيه وتبس جنيه
وانتظرت لحد ما افكر
كان والدي بيتلفني بالموبيل اللي يادوب يجيب شرطة واحدة
الفودافون وصلين حتى في الكوخ عاملين شغل جبار ومركبين انتنة فوق كل جمل
المهم على الساعة سبعة اتجولت وانا لابس شنطة اد الدهية على ظهري
طمنت والدي وانا جوايا قلق بس
انا مش خسران حاجة اهو رحلة سفاري
ههههههههههههه واستكشاف مصر وقوة ارسال الشبكة
رجلي رمتني في مكان وكانه بلد لسه طالعة من الحرب والله العظيم ده الوصف اللي ينفع
لدرجة سماعي صوت الريح وسماع صوت شباك عمال يتخبط
ولا الوسترن كاو بويز وقراهم في افلام هوليود
اتمشيت وببص بعد شوية ده اللوجو ده بتاع الوزارة دخلت الالقي الامن فرد واحد ونايم في كشك صغير
ولو صحيته مش بعيد يقوم يموتني
المهم اتجولت حول المبني والمفاجاة اه والله
ان جنبها مستشفى والله مفتوحة ومن غير امن خالص
اتجولت فيها كلها ودخلت كل حتة من غير ما يقابلني حتى حيوان ضال
رجعت وقررت اخبط
عشان اطلع اريح فوق
اكيد فيه سكن للاطباء وقد كان
الرجل قام متثقال وكانه ميت وقايم من تابوت وسجل بياناتي واخد البطاقة رهن واداني
المفتاح
اطلع المديرية وابص من الشباك القي والله جبل ضخم جدا وحوله بحر رهيب
والمصيبة مقبرة بطول 300 متر
شكلهم اطباء مردوش يستلمو وادفنو هناك
ههههههههههههههه
طلعت السكن وطبعا بتعجب من السكن واسع جدا ومجهز بس السراير متكسرة
والظاهر انه عشان ترانزيت في ناس سيكو بتلمع جزمها في الملايات و
المخدات ريحتها قئ
والدواليب والحيطان اتوجرافت للذكرى
وكل واحد استلم وترك المديرية امتى ولا كشوفات الحضور والانصراف
وللامانة من فرحة خروجي سالما
ضميت اسمي معاهم عشان اخش الريكورد
والحمام قعدته متكسرة والغريبة في مطبخ وبوتاجاز بس من غير غاز
لازم الحاجة متكملش
سرير لا من غير مولل او مخدات او مرتبة اساسا
ولعت سيجارة مش عارف عددها رقم كام بس
الواضح انها من العلبة التانية
فكرت اشرب شاي عشان افوق لان ادامي يوم عصيب للمقابلة مديري اللي هيوزعني
لا وايه انا جاهز وجايب معايا خريطة لشبة جزيرة سيناء
وهو ما جعله يضحك ما يقارب ريع ساعة
المهم دخلت المطبخ لاجد سمك مشوي فوق اطارات (عيون) البوتاجاز وعلب كشري معفن
اكيد مخلفات اطباء اخرين يمكن مروحين اويمكن هيستلمو مثلي
الله اعلم لان نفس المكان
بيستقبل المشاعر المتضاربة وبعض الصيادلة اللي بيجو ضيوف
لغاية ما يستلمو الادوية كل اول شهر
لأمكانهم ولذلك ده مكان البوظان في العيشة
المهم لاغيت الفكرة وكنت عامل حسابي
وواخد حاجة ساقعة وعصاير وحساب الاكل
صحراء وزوادة
بس مين ليه نفس ياكل
يااااااااه فكرتوني بمواجع بس
برتاح اوي لما بفضفض والله كاني هناك دلوقتي ومش متضايق
لانها ذكرى واتعلمت اتعايش مع الوضع ولو عقارب او حيات او ابراص قصدي تماسيح صغيرة
قمة السمية ولا قيظ الحرارة والرطوبة والجبال
--------

[Hossameldin]

ماشاء الله


تسجيل متابعه

يادكتور حاتم



وارجو منك الاستمرار
بغض النظر عن التفاعل




فانا قد اطلع علي الموضوع
واتابعه دون ان اضيف اي مشاركة




تقبل الله منا ومنكم صالح الاعمال



يعني اطمن المنتدي ملئ بالاعضاء الذين يتاابعون


غير اختنا الدكتورة مني المسلمة

واختنا الدكتورة سمر



في الانتظار

[ph_tota_82]

متابعين معاك ان شاء الله .......

المشاركة الأصلية كتبت بواسطة timo_dentist

سبب الكتابة النهاردة مرور عام كما قلت على اخر مقال
لي للمحاسبة النفس وهي ثقافة غير موجودة للعرب عموما
لانهم احسن خلق الله !
لكن انا ليا شخصيتي وبحب احاسب نفسي
ومقال
am i a good citizen or not?

كمان ......!!!!!!!!!!........حضرتك كاتب مقال بتحاسب فيه
نفسك..؟؟.....
أنا حموت من كثر ما احاسب نفسي وجلد الذات جاب لي
القرحه والقولون العصبي واحتمال السكري ....
(لاني ما عملت فحص تاني !!هربت يعني)
بس نفسي انساها واحاول انسى لكنها طبع متأصل
...القسوه على الذات اعتبرها مرض
حتى في مذكراتي الشخصيه ما اكتب اي شيء يضايقني
او اي فكره مستحوذه على تفكيري بشكل سلبي بس اكتب
الحاجات الحلوه عشان انسى....برضه طريقه ماهي فعاله
مره بس احسن شويه..والحمد لله.

[nesma]

متابعين معاك بإذن الله د\حاتم.

في انتظار باقي اليوميات.

[حسام الدين]

ياللا ياعم مش مكفياك د\ مني
اهو بقيت المنتدي متابعك و مستنيين الحلقات,,,
و شكلها كده هاتحلو و تتملي احداث,,,
بس اوعي تتاخر علينا احسن نهج و نسيبك

[ph_tota_82]

المشاركة الأصلية كتبت بواسطة حسام الدين

ياللا ياعم مش مكفياك د\ مني