كفاح طبيب مصرى على الحدود

[timo_dentist]

الجزء الخامس
ولعت السيجارة اللي مش فاكر عددها ورجعت الكنكة والشاي والتفاهات ديه
واد فافي على راي واحد هناك قابلته اسمه م.س وعمري ما هنساه لانه اول سيكو
اقابله وهو من الشرقية وجاي متعقد جاهز المهم دخلت ضربت شاور لان في بانيو تخيلو مفيش ملل سرير
بس فيه بانيو بجد ربنا يكرم وزارة الصحة
لسه التقيل ورا هحكيلكم عن السكن في كل مكان روحته
نسيت اقولكم اني اهبل للمجرد محاولة استقبال ارسال الراديو وده رغم ان محطة الارسال
وتقويته خلفي مباشرة يمكن الاموات ومقابرهم مأثرة
المهم لبست وكل شوية اخرج اشوف لو جاء موظفين
ملحوظة السكن داخل المديرية ملحق ومش عارف لو كان في بنات كانو هيقعدو فين
بس اكتشفت انهم شقتين واحدة قبلي والتانية بحري
واكيد فهمتو ان البحري للطبيبات رغم عدم ظهورهم
اغلبهم بيقدم استقالة
لكن عرفت انهم بيتوزعو في الطور وشرم بس
ولما كنت هناك في مستشفيتي اللي اتوزعت فيها وعرفنا ان في اتنين بنات جايين
قامت ثورة والاحلام بدأت كل واحد عايز يستضفهم وازاي انهم اقصد الطبيبتان هيعملو شغل السكن ويرحمونا
من القنابل الرزية اللي كنا بنعملها ولا صمغ المكرونة
وازاي هيهونو علينا الغربة
كل واحد حسسني انهم جايين ازواج مش مكلفين زينا
البنت طول عمرها شايلة الهم

xxxxxxxxxxxxx
XXXXXXXXXXXXXX
XXXXXXXXXXX
الواحد لسه مستلمش
والنصايح شغالة
خليك في خليج العقية كله مزز (وكاني رايح اصيف واتفسح مش اشتغل )وكمان 40 % زياده عن خليج السويس
وتفتيشه قليل قبل ما يخرج المفتشين
بنكون في امكانا ولو كنا في اجازة وده لبعد الامكان
من اكبر المحافظات
--------------------------------------------------------------------------------
الجزء السادس
ما زالت داخل المديرية بحرجم على الموظفين والواد الرخم م. سالم قاعد يدخن بشراهة
XXXXXXXXXXXXXX
ويمكن
انا كمان جيت اشوف صورة الهدوء وماقولش اني مكلف بالصعيد وكأن عليا تار هناك
او لما انزل الصعيد هيموتوني
المهم توافد الموظفين وبطني اصبحت كخلاط رمل
استلم ولا ايه
ده الدنيا هو والواحد من المشوار اتكسر
فما بالك لما استلم كمان
قعد يمر عليا دموع والدي وحلفانه زي ثانوي اني لو التحقت بصيدلة او معهد سينما
هيقاطعني لان الطب رسالة والكلام الكبير ده
ومر في دماغي ضحكات الشامتين منهم اخي
اللي قعد يقول حاتم اللي ميعرفش يجيب رغيف عيش عشان الفرن زحمة
وياكل كروسان
هيروح الصحرا ويعتمد على نفسه
وظهر في دماغي والله حرب اكتوبر وان الناس كانت رايحة تحارب وتموت مش عشان
نسيبها فاضية عشان الجيل ده اللي يعمرها
المهم جمدت قلبي وسالت عن الموظفةالمسئولة وتمنيت تكون اجازة عشان ابيت جنب الميتين
وانام في البانيو قصدي السرير اللي من غير ملل
انا اللي لو السرير لو مش مترتب والاوضة مريحة وهادية منمش
مش جنبي واحد براديو وواحد بيفقر ويغني
المهم قالو روح لمدام عزة لسه فاكر اسمها لاني هزرت معاها وضحكت
على تريقتي على الاوضاع هناك وحلفت اتغدى عندها عشان انا فافي على كلامها
ومخنوق ووعدتني انها هتابع اخباري طول ما انا في سيناء
وطبعا طلبت اكشف على ابنها ده حاجة اساسي
المهم اخدت الورق وفرته
ده ناقص كذا
تلاقيني جاهز
لغاية مااتلككت وطلبت ورق بوسطة والكشف الطبي
ودول لازم انزل اجيبهم والحق القومسيون وهو على بعد اول المدينة
جنب قرية الجبيل
ومفيش موصلات ولو لم الحقه هبات للاسبوع التالي
نزلت جري وطبعا العلبة الثالثة بدأت والسجاير ودخنها بقيت تحت جلدي
وصدعت من اللف والسفر والسجاير
مهمتي دلوقتي البوسطة والقومسيون الطبي
--------------------------------------------------------------------------------

[حسام الدين]

ايوه ياعم ماشيه معاك..

متابعين المذكرات

[tweeny]

انا بجد بشكرك على هذه المذكرات
واشكرك على دقت الوصف المعبر
والذى يوضح الوضع
واستمررررررررررررررررر
انا هاتبعك

[خالد العيوطى]

على بركة الله يا د.حاتم

أكمل المسيرة


وعلى فكرة كون د.منى بنفسها متابعة القصة

ده بيعطيها ثقل كبير جدا(القصة يعني)

حضرتك علشان جديد لسة متعرفش مين د.منى؟!!

بس بكرة هتشوف..!!

ونحن متابعون

[dr sama]

اسجل متابعتى للمذكرات


نريد ان نعرف اماكن فى بلدنا لا نسمع عنها الا فى افلام حرب اكتوبر


فمن خلال مذكراتك سنرى مصر التى لا نعرفها

وفى انتظار الباقى

[timo_dentist]

الجزء السابع
وقفت ادام المديرية مفيش مواصلات المهم اتمشيت وسألت عن مكانه وعرفت انه بعيد
ولو مشيت هتوه وهخد ضربة شمس ومش هلحق القومسيون وهقعد اصرف اسبوع
فلقيت واحد بدوي بعربية نصف نقل
نديته واتقاولت معاه اني هأجر عربيته لغاية ما اخلص مصالحي بالمقابل اللي يريحه
ومش هقولكم ابن ا****التيت طلب كام فاكرني سايح
الغريبة الطور ديه اللي مسمعتش عنها الا في القران فيها سياح واغلبهم من جنوب شرق اسيا
حاجة غريبة الصين في كل مكان
xxxxxxxxx

المهم عنيز السواق عارف الطريق وراح معايا البوسطة والقومسيون والحمد لله
لائق وليقني من غير كشف على راي دكتور الانف والاذن بتاع عبود على الحدود
وده مفهوم لاني طبيب مثل اللي بيكشف
رجعت المديرية وكملت الاوراق
المشكلة في التوزيع بقى
هستلم فين؟؟؟؟؟؟؟
طلعت الخريطة ادام مديري مسئول التوزيع وبعد تريقته وكولمبوس وغيره
رسي على ان راس سدر ملطشة الوزراة ومش هعرف اخد اجازات
وهبات الشهر ماعد يومين وفلوسها قليلة واساسا هي مليانة
وكذا راس مسلة واللي عرفت انها تبعد عن اقرب مدينة ميت كيلو ادي النصيحة بتاعة الباشا
المهم اتوزعت سانت كاترين واتعدلت ابو زنيمة ووادي فيران كذا مرة
بالمفتشر لفيتها كعب داير
واستقريت بطابا ثم المركز الحضري واخيرا مستشفى نويبع المركزي
سر المدير والانطباعات الاولى تدوم
--------------------------------------------------------------------------------
الجزء الثامن
اول مقابلة مع مدير المستشفى "ج" باشا وهو للحق خيال مأتة بكل ما تحمله الكلمة وذلك
لان السواق رفض اركب عربية رعاية الطفولة وهي رايحة نفس المستشفى
مش رايحة حتة تانية يعني هوفر وقت حجز اتوبيس وفلوس
واثناء الطريق ممكن ادردش معاه واعرف نظام العمل
لكن ياسر اقصد المبجل الباشا الاعظم (السواق)
اتاري الرجل ده عملهم رعب هناك وكمان مدير المنطقة بيعمله حساب
والله العظيم
وربنا هيحاسبني عل كلامي
لما السواق شخط فيه "ج" تراجع
بس ده حرفيا اللي حصل وقاله بشويش ايه
يا ياسر ده دكتور ومتكلف عندنا ركبه
وهزودلك وجبة
فكرت اكسر الحوار اللي مكنتش مصدقه بعد ما شخطت فيه واتعصبت وقولت اكسب نقطة
واكسب مديري الفاشل ضعيف الشخصية لسه بقى ما اتاعمالتش معاه
ولم اشعر بضعفه
وقررت اركب الباص وحجزت للطابا لمقابلة مدير المنطقة
واستلام عملي
طبعا مفيش باصات طالعة الا بليل تروح طابا
مرورا بشرم ودهب ونويبع
للحق شوفت جبال قمة في الغرابة والله شوفت مالم اراه طول عمري طبيعة تنرفز ازاي اسرائيل
عملت الطرق ديه وسط الجبال للدرجة انه بعض الاوقات كان الاتوبيس بيتحرك
داخل ممرات جبلية وكاننا في حجرة مغلقة
والاصعب وادي سعال ووتير وطلعة دهب
وجبال الوان اه والله الوان خيرات بس مين يروح يستفيد
خلينا هنا جنب النيل
نحرسه للينشف
ولا ميدان التحرير يطير ولا فسقية رمسيس ترجع
كده كده
رمسيس اتشال نعمله حمام سباحة وفسقية
سر د هشام المريب في الحلقة القادمة
--------------------------------------------------------------------------------

[حسام الدين]

جميييل يا دكتور,,,,منتظرين المزيد.

[timo_dentist]

الجزء التاسع
اثناء الطريق الباص كله اجانب وواحد كده منظره مش مريح
اسمه هشام هيكون زميلي فيما بعد
قاعد يفقر مع واحد سوداني
وينخع انا المدير التنفيذي وحاجات من اللي بتتقال في مجلس الامن
مش في مستشفى صغيرة اقرب لمكتب صحة
هههههههههه
عرفته اني دكتور ورايح استلم وكده
عايز اخد منه اي معلومة السكن الاكل الشغل
والواد xxxx وبيفخم في نفسه
ويقولي انا اشهر واحد في المدينة اللي هي اساسا عبارة عن المستشفى وسكنا
وكام بيت ووادي الترابين
وكل شوية هعرفك بعدين
الواد الفقري ده من المنصورة وعامل نفسه علامة نويبع
المهم كل ما اسئله يقولي لما نوصل
اتاريه فاهم الفولة وقرر اني اخد الصدمة
اصل ده بعد كده هيكون طقس نوبيعي وسيناوي
لازم تاخد وش القفص والصدمة كاملة بلارتوش وتزييف للحقيقة عشان توقف الخلف زيهم بالظبط
اشمعنى هم فقدو نعمة الخلفة وانت شغال ظرب في عيال
ههههههههههه
المهم نزلت الالقى ناس نايمة على مراتب والله العظيم اني صادق
وناس مطلعة تلفزيون وناس كده في مبني
هعرف بعد كده انه غرزة شباب قصدي مركز شباب
ههههههههه
د هشام عرفني بعد ما مشينا شوية في الاسفلت اننا كده داخل حدود المستشفى
وجالي حالة شلل مؤقت
xxxxxxxxxxxx
ناس بتسلم عليا
واللي بيا بمد ايدي
وهشام لم يتنازل عن الضحكة التي تملا وجهه وكانه جايب معاه الناصر صلاح الدين
انتو مش كان ناقصكو اخصائي اسنان اهو وكانه جايبني من قفايا
والله حسيت بتعب وكاني عزت العليلي بعد ما فجرو ايلات وعامو للشاطئ وقالهم على اقرب مستشفى
بس انا مليش حجة انا داخل المستشفى بالفعل هقع فين
وللحق هناك مكان خالي ينفع ملعب كرة وهو ما يستخدم فيه
وهو اساسا منط للهيلكوبتر
طبعا دخلت المستشفى او مايسمى بذلك
وكنت اخدت القرار بتقديم استقالتي
المهم كله بيسلم وياخدني بالحضن وكاني رجعت من عملية حربية
وانا مذهول وتعبي راح بعد ما تجولت وحسيت بكأبة لم اشعر بها
حتى بعد فرمتة جهازي بكل ما عليه من داتا من 6 سنوات
مشتقاين تعرفو صدمة سكن الاطباء
هتشوفوها صورة وصوت
فقط في يوميات د حاتم
نلتقى في الحلقة القادمة

[timo_dentist]

الجزء العاشر
مش هحرمكم من موقفي وذهولي لما دخلت السكن الخاص بالاطباء
داخل المستشفى وهو بالدور التاني والله
ولا البدرومات انا مش فافي بس صعب جدا
والحمام حاجة تانية والمطبخ اقولكم خلينا اصحاب
وريحته
ياالله المهم اصطحبني خمسة من العاملين وطبعا بيشتغلوني
الممرض يقولو عليه اخصائي عظام
هههههههه
والتمريض للحق كله رجالة مش فاهم ازاي بس اهو بقى مين اللي تروح وسط دول
الجنس الانثاوي هناك عبارة عن 2 عمال واحدة مهيبرة جدا كانت بتيجي تاخد مني سيجارة لحد وهمي وكشفتها وهي بتشربها هيا
والتانية مسهوكة وجاية تشحت مش تشتغل
وكمان ممرضة نسا بيقول البدو عليها الداكتورة
مش الدكتورة
اصل ده معناه انهم ادولوه الثفقة والدكتوراة البدوية
اللي يخش دماغهم يبقى داكتور والعادي اللي مش بيكشف بسماعة زي وبتاع النسى يبقى اقل منزلة وللعلم لو حد عنده الم في رجله لازم برضك سماعة للتشخيص والا تنزل من نظرهم
ولو اديتهم دوا شراب تنشال على الاعناق
وتجنب الترابيس قصدي بلغتنا الكبسولات
اقسم باني واقف مع الصيدلي زميلي وهي عادة صباحية دردشة الصبح وصرف العلاج اثناء الزحمة لان التذاكر ثابتة ومتوقعة بمجرد قراءة اسم اتش قصدي د هشام معروف
3 اصناف تبدأ بالتتراسيكلين لانهم ميعرفوش هناك الاموكسيسيللين
والثاني
ايبروفين 200\والثالث اما مضمة للزور او مضاد للاسهال كان اسمه بكتين طعمه رزل ولزج
اقسم اني مرة شوفت واد بدوي عمره اقل من 2 سنة بلع 3 كباسيل وهو واقف دون الم او تعب او تسمم
هكلمكم شوية عن طبيعة البدو تقريبا بيجو جماعات قبيلة
راجل و3 زوجات و10 اطفال
وساعات تحس انهم نفس الشكل
وتقريبا المرضى متكررين بيروحو
يقطعو تذكرة واحدة بجنيه ويخرجو بزجاجات العلاج منتصريين
ضحكو على المصريين اللي هم احنا
و الممرضة بتاعة النسا اللي اهم شخص بالمستشفى هي الوحيدة من كل التخصصات اللي
ليها قدسية شديدة عند البدو تخيلو ممرضة وهي اهم من الدكاترة
وده لانها مش ممرضة بس
لا وكمان دلالة اه والله بتبيعلهم عبايات وحبشتكانات
عرفت بعد كده انها بتجيب العبايات العادية وتركب ترتر ولولي وحاجات كده
من اللي بتعجب البدو تبيعها بضعف التمن ما علينا
وموظفة صغيرة ممسوحة الجمال من السويس وساكنة هناك
ويقال مش محتاجة الشغل بس بتتسلى وكده
وهي ما يتباري ويتفنن الاطباء لنيل ضحكة منها
والبنت رقيقة وعادية لاتلفت النظر

غير الداكتورة الممرضة اللي بتنادي عليا بيا باشششا
بتمد الشين وتحس انها راجل متخفي
اكيد لازم تعمل كده لانها وسط ذئاب بشرية
ههههههههههه
المهم
روحت السكن الخارجي وفاكر اني هلاقي سرير وكده ودولاب ومكتب
ملقيتش غير مرتبة من غير سرير
وصبرت ولم استلم الا لما وفروا سرير وضبطت نفسي
وتحركت شهوتي للكوب شاي
بفتح الحنفية ماء اسود بينزل
وبعدين اتغير للاحمر واخير اصفر والله والله حقيقة
استنيت يصفى محصلش فجاي املى الكنكة
فوجدت احد الاصدقاء يتنفض ويوبخني وكاني ساشعل فتيل قنبلة
هتحط من المية ديه هتوسخها(يقصد الكنكة) مش هامه اني اتسمم بالمية لكن هامه الكنكة المعفنة واللي
السواد عليها رقائق والهباب والسواد زفت حواليها
والتقط من يدي معاتبا هتعمل شاي وانا موجود
ريح يا د حاتم انت ضيفنا لمدة ربع ساعة شكلك ماشي
وانا هعملك الشاي
وصب شوية مياه من الجركن بتاع مياه الابار
وطعمه وحش برضك المهم طلعت السيجارة التي تزيد عن ال50 والله اعلم بعدتهم
مع كوب الشاي ودار الحوار التالي
احد المكلفين القدامى:في اتوبيس بيطلع الفجر
وبيطفشوني هو في ايه مصلحتهم ايه
جاب الكلام بعضه وحكيتلهم عن موقف ج مع ياسر السواق وجاتلهم
كريزة ضحك الاانا
وفهمت بعد كده الاوضاع الغلط وازاي الممرض والعامل والمسعف والدكتور
كلهم في بوتقة واحدة
وفهمت لما عرفت انهم لما كانو نايمين في طرق المستشفى وخارجها ده طقس عادي
من الحر بيعملو كده وده حاجة عادي
للدرجة انهم بيخلعو الكراسي البلاستيك بتاعة انتظار المرضى ويقعدو بيها على الرصيف
مترقبين السكة السريعة
مجتمع صغير واوام عرفو بوجودي وعرفو مدير المنطقة و د.ج اني وصلت
اللي عايز يمضيني قبل ما اهرب وعايز يسرق جواب الاستلام
حتى لا اغير راي
واروح مكان تاني
انتظروني في الحلقة القادمة ومغامراتي مع الماشي
**********************************************

ملحوظة هنزل حلقتين كل مرة وهنزبل صور
عشان تعيشو الجو ومنها صور بحر وهوا هيجيبلكو زكام
ههههههههه
لو اتحذف اي صورة هنسحب لاني متعبش في رفعهم والقى حد يجي يشيلهم والله منزلهم عشان خاطر عيونكم
واتمني ردودكم وتعليقاتكم
على اد تعبي في امتاعكم

[timo_dentist]

عايزين كمان

[timo_dentist]

فين تشجعيكم

[منى المسلمه]

والله يا د. حضرتك تعبتنى جدا فى مراجعه يومياتك
وتنقيح بعض العبارات اللى مش حلو اننا نكتبها
مراعاه لاى قارئ هيتابع يوميات حضرتك

وبعد ده كله وبعد تلقيح الكلام اللى عليا كل شويه
بتهددنى كمان

وتقولى اى حد "اللى هو انا"
يحذف صور انا هنسحب

عموما اى صوره غير مناسبه هتتحذف

اللهم طولك يا رووح

[حسام الدين]

و الله يا دكتور,,,,,
اليوميات مشوقه جدا.....
و الصور رائعه....


لكن المحزن,,,,,ان الجمال ده كله غير مستغل,,,,و احنا مش عارفين نشوفه و نستمتع بيه.....

و المشكله الاكبر ان في غيره مئات من الاماكن اللي المصريين مشافوهاش برغم ان السياحه الاجنبيه بتتردد عليها باستمرار.

و اخيرا .....احييك علي الصور دي ,,,و منتظرين المزيد...بس
فعلا من حق د\ مني انها تحذف مالاتراه مناسب سواء من صور او الفاظ ,,,و هي مكلفه بكده من الاداره,,,,,فمتخليش الحكايه دي تضايقك و اكمل لنا اليوميات المشوقه دي.

[حسام الدين]

ماذلنا في الانتظار................

[timo_dentist]

وعلى فكرة مش زعلان ومتشكر لاهتمامكم
وفعلا من كلامكم حسين ان في تفرقة بين منتدى للصيادلة والاطباء
رغم احساسي اننا فريق واحد والله العظيم وانتيمي صيدلي وجاي المنتدى بمشاركات هادفة اسمه د محمد صلاح كان معايا في الكافيه امبارح وعرفته بيكم
وهوقالي انك هتقدم وجهة نظر وتعرف الاخرين بتخصصك وده مهم جدا
وجهة نظره وهو صيدلي
المهم متشكر حتى للبيخش يقرا المشاركة من غير رد
بس افكركم ان د خالد في يومياته كل كلمة كان بيتعلق عليها
مش ده المطلوب والله
بس لو حسيت بتشجيع
هقدر اعمل شغل كويس وتقدير للتعبي والله
وعندي فوق المئة صورة وغيرمخالفين
اه حد بيقول اني بلقح وده شيمة من شيم انتو عارفين
وانا د كتور محترم ولم اكن افكر ان اتحدى شخص لم اعرفه
المهم مش هرد الغلط بالغلط واحلفكم بالله اقرو رد سيادته ولو عندها الشجاعة متعدلش ردها
انا بلقح
اسف للتطويل
(لاحظو العبارة اللطيفة ديه واقسم بالله من كلامها\
وبعد تلقيح الكلام اللى عليا كل شويه
اللهم طولك يا رووح
ميرسي للتعليقك ونترك الاخرين للحكم

[nesma]

ما شاء الله الصور حلوة قوى.
في الأنتظار.

[timo_dentist]

الجزء ال11
الحوار خلص بينا وبعضهم قرر يتركني ارتاح على المرتبة واحساسا منهم هيتركوني وكمان المروحة هيسيبوهلي
مش عارف انام وعمال اوبخ نفسي
ايه المصيبة ديه
هو انا اتهبلت هعيش كده هينفع
وبخاصة ان السيكو اللي قابلته في المديرية معايا في نفس الشقة ده انا مستحملتوش
كام ساعة هستحمل العيشة معاه
تفتكر ابويا وامي عاملين ايه
اقولك اكلم الحتة الطرية وكان ساعتها
"تم حذف الاسم "من اسماعيلية وهي عارفة اني
رايح استلم ولما كلمتها قعدت تطمن فيا شوية
المهم حاولت انام مفيش مخدات ونايم بعرقي وهدوم الخروج
ومقررتش همشي ولا هكمل
حطيت الشنطة تحت راسي للاسف مفيش مخدات ولا سرير
فردت المرتبة وقفلت النور وحاولت اغفل للفجر عشان الحق اول اتوبيس للشرم ومنه للمصر
المهم مش عارف مخنوق طبعا الحل
ايه سيجارة ومش هعد نحسن الحاجات ديه بتتنظر
هههههههه
عدو انتو بقى المهم القي حد دخل بمفتاح نص الليل
اه والله xxxxxxxxxxولا طرازن واقف ادام الثلاجة وعمال ياكل من الثلاجة عدل
لاسخن ولا جاب معلقة ولا تنمر من الاكل
طلع زبدية ورغيف يابس شكله مش باين وشه من قفاه وبيسقى
المنظر رعبني عفر يت ده ولا ايه وشكله غريب دماغه كبيرة وكتفاه عريضين
ده بقى الماشي
مش بتاع موقع ماشي
ده م. الماشي اول من تكلمت معه وللحق هو سبب من اسباب خلتني اقعد
خلص اكل وانا راقد ببص وانا نايم وده مبحلق كلمني
وعرفني بنفسه : انا اقدم واحد وللحق ليه كريزمة رغم طريقته الفلاحي ولغوته
لكن خبير بالعيشة في المكان ده ومبيقرفش
وهو من الغربية وانتيم هشام
اللي قابلته في الباص فاكرينه
الحلقة القادمة
(حوار مع د الماشي غير تفكيري)
-----------

[Hossameldin]

متابعين يا

دكتور حاتم


لابد ان تثق في قدراتك اكثر من ذلك يا دكتور


الواثق من نفسه لا ينتظر التشجيع والهتافات


علي فكرة شكلك زملكاوي ولا ايه





المشجعين هم الذين ينجذبوا الي الاعمال



فماتقلقش كلنا متابعين يا حضرة دكتور الاسنان


يا
زعيم
التفرقة العنصرية
الصيدلاوية الاسنانية





دكتورتنا الكريمة

الدكتورة مني

ربنا معاكي ويعينك

دكتور حاتم

دماغه ناشفة قووووووي

[timo_dentist]

الجزء12
(حوار مع الماشي غير تفكيري)
قعدنا اتكلمنا وعزمت عليه بسجاير متخيل اني الوحيد المدخن واتاري الراجل ده حريقة اكتر مني
ولم اري الماشى او هشام دون سيجارة وعين نصف مغلقة من ادخنة السيجارة عشان
كده احتفو بيا عشان انا كريم وبعزم
المهم فضلنا نتكلم واقنعني اني لو مشيت هخسر ومش مشكلة لو استلمت وجربت وان الجو هيعجبني والايام قصيرة وبتعدي وحكى ليا عن كم الناس اللي هربو بعد ما شافو اللي انا شفته
اقتنعت ويمكن كنت محتاج حد يدعمني وقررت اخوض التجربة ومش هخسر
تخيلو نمت زي القتيل
وصحيت من مين؟
هههههههههههههه
فاصل اعلاني دايما يجي في اوقات الاكشن
اتصل لو عرفت الحل على009009
لتفوز بعربية بلاستيك او عقرب سام
اللي صحاني هو مدير المستشفى دخل ازاي وامتى ومن غير ما يستئذن
وماسك كنكة ايدها من سلكة معفنة مجدولة أكيد عشان يصب بيها
ولابس بنطلون متخيط واشتكي من خياطته وشارلستون زي بتاع القرن اللي فات
ولغوته فلاحي
وايه عارف طريقه الجركن وبيستخدم غاز الانبوبة بتاعتنا بيوفر
انتو لسه شفتو حاجة ده رجل xxxxعلى حق
المهم قمت اخش الحمام بتاع بتنا وبقول لسه حضري نسكافيه باللبن يا شوجر اقصد والدتي
القي ج جنب السرير ولابسلي بالطو متهربد وللعلم هو الوحيد
والداكتورة بتاعة التمريض اللي حريصيين يلبسو بالطو الباقي طناش
تخيلو ممرض اسمه الهرم وواحد اسمه الكيال وكل حد ليه اسم حركي يلبس لبس تمريض
المهم المدير واقفلي فقولتله هخش الحمام واغير هو انت هتفضل واقفلي كده
هحصلك وضربت سيجارة
تخيلو مين كان في السرير اللي جوه الواد السيكو
د (م)
نسيت اقولكم ان ده كان موسم استلام ومفيش موضع للقدم و ناس اشكال والوان ولما صحيت وبدور في المكان تلاقي
على سرير اللي نايم ومتعرفووش واللى واللى
xxxxxxxxxxxx
حاجة تقرف الكلب الحزين
ومحدش مثلا قام ينهرك انك دخلت عليهم من غير متخبط لان الدنيا
سايحة على بعض زي مشهد احمد عبد العزيز في مسلسل مين ميحبش فاطمة
لان الحمام هو مكان الخصوصية الوحيد اللي مش هتلاقي حد نايم فيه
واثار اعقاب السجاير وورقة الحساب بتاع ادوار الاستمشن وكوبيات متطفي فيها سجاير
واطباق العشا مرمية وهدوم
يعني لوحة سرياليه
وللحق قولت اروح استلم وبعدين ارجع اخش حمام نظيف او اتصرف
المهم اتسجل اسمي ومضيت
مرحبا بك في الوظيفة
الحلقة القادمة
(انا وربيع)

[سمر الباز]

علي فكرة شكلك زملكاوي ولا ايه

طالما جبت سيرة الزمالك

وحطيت التلات وشوش تبقي كدة قاصدني انا
نعمين يا د/بركة دعا الوالدين
مالهم الزملكاوية ان شاء الله
موش كفاية عاملين قهوة ليكم ومابندورش ع الحساب(خاف مني انا معايا حق الكيتو يافريق المبادئ)

علي فكرة يا د/حاتم
كل لما ادخل اقرا الاقي كمية دخان سجاير في الموضوع
بكح واطلع اجري