مش بس عشان اسمع كلمات الحب
انا عايزه اكون وياك مش بس عشان اسمع كلمات الحب
انا عايزه اكون جنبك احمل همك
مش بس حبيبة عمر ..انا عايزه اكون امك
الصبح..احضر فنجان القهوه
واختار وياك لبسك
ممكن تتفضل من فضلك
تتفضل تنزل على شغلك
أنا عايزه ارتب مكتبتك
والململك اوراقك
وأشيل جرنالك بعد ما اغطيلك قلمك
تسمحلى المع نضارتك
ده انا حتى بافكر اول ما اقبض
ننزل ونجيب شمبر تانى
بصراحه الشمبر ده هرانى
دى هديه بسيطه لاجمل إنسان اهدانى
مش بس كلام الحب
أهدانى حياة إنسان تانى
أنا عايزه اكون وياك مش بس عشان اسمع كلمات الحب
أنا عايزه اطبخلك بإ يديا
تاكل وتقوم تدعى عليا
نضحك على طبخه حرقناها
نفطس من آكله آكلناها
يعنى حيااااااااااه
مش بس كلام فى الحب
مش بس حوار عن سهد وشوق وعذاب القلب
ممكن نتكلم عن حاجه شاغله دماغك
اسمعلك واحاول افكر وياك فيها
إحنا الاتنين هنلاقى اكيد مخرج ليها
لو وسط الناس من غير ولا كلمه هنفهم بعض
النظره ما بينا هتحكى كلام ابلغ من ابلغ رد
لو حتى ما بينا خلاف هنبان واحد
هنقرب اكتر مهما خلافنا ما بينا يباعد
نتخانق....عادى ده امر طبيعى
لكن جوانا اللى يخلينا
هنسامح بعض
وهننسى لبعض
وهنصفى لبعض
عارفينه.....؟
مش بس كلام الحب
ده كلام اجمل م الحب
أعملك شاى؟؟؟
الحب...مش بس فراشه ونغمه نااى
الحب......حيااااااااااااه
انسان بيعيش جوه حياتك من غير إزاى
إنسان واحد يمكن ييجى ويمكن ميجيش
كونك من غيره
احسن ما تكون مع غيره وتموت ما تعيش
نيوو..منامينز !!"12"
)
..طيب اضحكى عليا حتى لحد ما اجوز!!!
العرض العادي
