نيوو..منامينز !!"12"

[محمد رضا]

ما شاء الله د/منى

اكتر حاجة عجبتني العفوية

بس نفسي اعرف يعني ايه مناميز

[مسك]

مبدعة يا دكتورة منى كالعادة

[Dr-nehal]

بجد الموضوع حلو قوى

ومتنوع يعنى المنمونه الاولانيه رومانسيه وتخليكى تسمعى صوت كمنجات مع كلماتها

والمنمونه التانيه واقعيه جدا وتفوقك من الحلم الرومانسى الاولانى احسن يتصدق بجد فبنفكره بمتصدقوش

بجد يا منى ماشاء الله عليكى

متصدقوش
ان الحزين فعلا حزين ومكتئب
وان اللى هيموت من السعاده مشرئب
هى السعاده بس ضحكه على الوشوش
متصدقوش

ياريت مننخدعش بالمظاهر
بس غالبا مبنعرفش نفرق بين الصدق والتمثيل بالذات مع كثره محترفى التمثيل اللى بنقابلهم طول اليوم

[منى المسلمه]

كنت بفكر اني مش كل شوية أدخل موضوع لدكتورة منى واقولها ايه الروعة دي

هيبان انها مجاملة وبتاع

يعنى ايه يعنى؟
يعنى كل التشجيعات اللى فاتت كانت مجاملات

بس الحقيقة الايد مش بتطاوع الواحد في كل الأوقات..

واديها دخلت الموضوع وكتبت

جزاكى الله خيرا يا ايد د.خالد
ويا ريت تفضلى كده متطوعهوش

ويا ريت حضرتك متصدقيش لو قلتلك..

اني كان نفسي اقول متصدقوش مين بالضبط ..

لكن مقدرتش..!!

ميصدقونييييييش

وحضرتك ما شاء الله قلتي كم متصدقوش حلوين

شكرا جزيلا د. منى على المنمونزة2..

اللي تصلح كمان ل2010

برده منمونزه

العفو يا د.خالد
ربنا يبارك فى حضرتك ويا عالم مين يعيش ل 2010

[منى المسلمه]

لية بس كدة يا منى..طيب اضحكى عليا حتى لحد ما اجوز!!!

كدة هأجل الجوازة تانى وانتى السبب


بس بجد يا منى رائعة

يا هبه يا بنتى توكلى على الحى الذى لا يموت
واهى جوازه وهتروح لحالها

جزاكم الله خيرا على التصقيف الفظيع ده

[منى المسلمه]

ما شاء الله د/منى

اكتر حاجة عجبتني العفوية

لو د.محمد رضا دخل المنامينز
وقال عليها كلام حلوينز
هصرخ واقول متحلموش
متصدقوش

بس نفسي اعرف يعني ايه مناميز

يا دكتورنا الفاضل منامينز
هى جمع ل"منمونه"
منمونه=منامين=منامينز"s"
وهى مشتقه من اسم العبد لله "منى"


الاخت الفاضله "مسك"

مبدعة يا دكتورة منى كالعادة

ربنا يكرمك ويجازيكى خير على تشجيعك ليا


نوهال

ومتنوع يعنى المنمونه الاولانيه رومانسيه وتخليكى تسمعى صوت كمنجات مع كلماتها

يا سيدى يا سيدى
هى على فكره ليها وقع تانى خالص لما تقريها مع موسيقى حلوه كده لعمر خيرت او فيروز "جربى كده"

والمنمونه التانيه واقعيه جدا وتفوقك من الحلم الرومانسى الاولانى احسن يتصدق بجد فبنفكره بمتصدقوش

ما احنا قلنا الكلام ده
يا اخواننا متصدقوش اى حاجه

اما بالنسبه ل
متصدقوش
ان الحزين فعلا حزين ومكتئب
وان اللى هيموت من السعاده مشرئب
هى السعاده بس ضحكه على الوشوش
متصدقوش

فمكنش قصدى بيها تزييف الناس للى جواهم بقدر ما كنت اقصد اننا احنا اللى بنفهمهم غلط
يعنى نشوف واحد بيضحك نقول ده سعيد ومتهنى ونشوف واحد مكشر نفتكره مهموم وعنده بلاوى
وهكذا...

جزاكم الله خيرا جميعا
وخايفه اصدق كلامكم

[pharmacist salwa]

ماشاء الله عليكى يا دكتورة منى
راااااااااااااااااااااااااااائع

[د/ هبة بدوى]

يا هبه يا بنتى توكلى على الحى الذى لا يموت
واهى جوازه وهتروح لحالها

ما اهو انا لو كنت قريت المنمونة الاولانية قبل ما اقرا التانية مكنتش غيرت رأيى وكان زمانى اجوزت!!


لكن بجد أنا لسة شايفة المنمونة الأولانية حالاً


روعة يا منى والله .... كلها إحساس عالى .. وبجد حسستنى حاجات كتير واستوعبت حاجات كانت غايبة عنى!!

من الآخر فتحتى نفسى يعنى واحتمال اوافق أجوز قريب سمعينى زغرودة!

ربنا يكرمكِ يارب

[د/ هبة بدوى]

عجبنى أوى انك ذكرتى كلمة حيااااااااااة مرتين حاسيتها منك أوى..

يعنى حيااااااااة مش بس كلام فى الحب..

الحب حيااااااااااااة

انسان بيعيش جوه حياتك من غير إزاى
إنسان واحد يمكن ييجى ويمكن ميجيش
كونك من غيره
احسن ما تكون مع غيره وتموت ما تعيش

بس لية النهاية المأساوية دى؟؟


ان شاء الله يجى قريب كمان

دكتوره مني المسلمه

لالالالالالالالالالالالا انتي مالكيش حل إنتي رائعه
بجد ماشاء الله ولاحول ولا قوه إلا بالله ربنا يحميكي يارب

كلامك جميل أوي وأحلي حاجه فيه إنو مش بس كلام منمق ومتناسق زي اللي دايما بنسمعه
لا جماله إنو معبر جدااااااااااا وصادق بجد

أنا طول عمري بحب الشعر وبقراه كتير أوي بس انتي أسرتي فؤادي
وبسجل إعجابي الشديد بكتاباتك
ومستنيين المزيد

[dr sama]

خلاص يا منى

انا اتعقدت

ومش حصدق اى حاجه ابدا

فى انتظار المنمونه القادمه يا فنانه

[منى المسلمه]

ايه الكلام الكبير ده

ماشاء الله عليكى يا دكتورة منى
راااااااااااااااااااااااااااائع

ربنا يخليكى يا د.سلوى وشكرا على مشاركتك


هبه

ما اهو انا لو كنت قريت المنمونة الاولانية قبل ما اقرا التانية مكنتش غيرت رأيى وكان زمانى اجوزت!!

يااااه منمونه تخليكى تتجوزى
بركاااتى

لكن بجد أنا لسة شايفة المنمونة الأولانية حالاً

انتى بتقرى المنامين من الاخر ولا ايه؟

روعة يا منى والله .... كلها إحساس عالى .. وبجد حسستنى حاجات كتير واستوعبت حاجات كانت غايبة عنى!!

من الاخر يعنى هتتجوزى ؟؟

من الآخر فتحتى نفسى يعنى واحتمال اوافق أجوز قريب سمعينى زغرودة!

ربنا يكرمكِ يارب

لولولولولولوليييييييي

[منى المسلمه]

هبه تانى

بس لية النهاية المأساوية دى؟؟


ان شاء الله يجى قريب كمان

والله ابدا
النهايه دى مش مأساويه خالص
دى يا بنتى قناعه شخصيه
كون الواحد من غير واحد يحبه ويحس بالحياااه اللى انتى فهمتيها من المنمونه
ده افضل من انه يكون مع غيره ويموت
"عكس الحياه"
ولذلك نحن هنا!!


مين؟؟

امنيه مره واحده
يعنى طب الاسنان
يعنى اسكندريه
يعنى سيجنال 2 فلورايد بلاس
وسمعنى احلى سلام "مطقم"

دكتوره مني المسلمه

نعم

لالالالالالالالالالالالا انتي مالكيش حل إنتي رائعه
بجد ماشاء الله ولاحول ولا قوه إلا بالله ربنا يحميكي يارب

كلامك جميل أوي وأحلي حاجه فيه إنو مش بس كلام منمق ومتناسق زي اللي دايما بنسمعه
لا جماله إنو معبر جدااااااااااا وصادق بجد

أنا طول عمري بحب الشعر وبقراه كتير أوي بس انتي أسرتي فؤادي
وبسجل إعجابي الشديد بكتاباتك
ومستنيين المزيد

اسرت فؤادك
طيب ممكن اجى اقابل باباكى
ربنا يخليكى يا دوك


اينااااااااااااااااس

خلاص يا منى

انا اتعقدت

ومش حصدق اى حاجه ابدا

فى انتظار المنمونه القادمه يا فنانه

ليه بس كده ده انا حتى اعمالى كلها متفائله جدااوسعيده جدا
جدا
جدا

ربنا يخليكوا يا جماعه فتحتوا نفسى

[quote=منى المسلمه;65265]

والله ابدا
النهايه دى مش مأساويه خالص
دى يا بنتى قناعه شخصيه
كون الواحد من غير واحد يحبه ويحس بالحياااه اللى انتى فهمتيها من المنمونه
ده افضل من انه يكون مع غيره ويموت
"عكس الحياه"
ولذلك نحن هنا!!

فعلا عندك حق يا مني أنا معاكي تماما

مين؟؟

امنيه مره واحده
يعنى طب الاسنان
يعنى اسكندريه
يعنى سيجنال 2 فلورايد بلاس
وسمعنى احلى سلام "مطقم"

ربنا يخليكي يامنمونه يا حبيبتي أول مره حد يزفني

نعم

نعم الله عليكي

اسرت فؤادك
طيب ممكن اجى اقابل باباكى
ربنا يخليكى يا دوك

أنا موافقه وححدد معاد
بس ساعتها ماترجعييش في كلامك

[منى المسلمه]

منمونه 3

وشوش

فى زحمه الايام............ ياما قبلت وشوش

وشوش كانت عابسه ووشوش صاحبها بشوش

وشوش شباب حره .....زى الطيور فى عشوش

ووشوش هموم الزمن ......سايب عليها نقوش

وشوش تحس انها........ راحت عليها فاشوش

ووشوش تخاف منها........ وكانه وش وحوش

وشوش بنات تعجبك......... بشعرها المنكوش

ووشوش ولاد تكئبك ........بضحكها المغشوش

وشوش رسمها الملل .......وفاضله فيها رتوش

ووشوش يدوب تبتسم .........كل الالام بتبوش

وشوش ملوك مظلمه....... قاعدين على عروش

ووشوش جيوب معدمه...... كل اللى فيها قروش

وشوش فساد معلن ...........متعبى جوه كروش

ووشوش صبغها الموت... ..جثه وناقصها نعوش

عمرك قابلت فى يوم........ العين ناقصها رموش

او مره قلت لاهل............... امشوا متستنوش

اوعاك تقول محصلش..نعمين.. لالا.. حوش حوش

شكلك بتضرب.. ماكس......... وتمزمز الفنكوش

جميله يا منمنه يا صاحبة أحلي منامينز في الدنيا

[خالد العيوطى]

[M E R O 0 O 0]

الله عليكي يادكتوره منى
بجد كل منمونه احلى من التانيه
بجد رائعه جدا

[منى المسلمه]

جميله يا منمنه يا صاحبة أحلي منامينز في الدنيا

ربنا يخليكى يا امنيه ومنتظرينك تعمليلنا امنيامينز

د.خالد

ميرووو

الله عليكي يادكتوره منى
بجد كل منمونه احلى من التانيه
بجد رائعه جدا

ربنا يخليكى بس مقلتليش اى المنامينز عجبتك اكتر
؟؟

[M E R O 0 O 0]

دي اكتر حاجه عجبتني

متصدقوش
الحزن لو طوّل يموت
واللحظه لو زالت تعود
ده العمر قطر وقوف مالوش
متصدقوش

فى زحمه الايام............ ياما قبلت وشوش

وشوش كانت عابسه ووشوش صاحبها بشوش

وشوش شباب حره .....زى الطيور فى عشوش

ووشوش هموم الزمن ......سايب عليها نقوش

وشوش تحس انها........ راحت عليها فاشوش

ووشوش تخاف منها........ وكانه وش وحوش

وشوش بنات تعجبك......... بشعرها المنكوش

ووشوش ولاد تكئبك ........بضحكها المغشوش

وشوش رسمها الملل .......وفاضله فيها رتوش

ووشوش يدوب تبتسم .........كل الالام بتبوش

وشوش ملوك مظلمه....... قاعدين على عروش

ووشوش جيوب معدمه...... كل اللى فيها قروش

وشوش فساد معلن ...........متعبى جوه كروش

ووشوش صبغها الموت... ..جثه وناقصها نعوش

عمرك قابلت فى يوم........ العين ناقصها رموش

او مره قلت لاهل............... امشوا متستنوش

اوعاك تقول محصلش..نعمين.. لالا.. حوش حوش

شكلك بتضرب.. ماكس......... وتمزمز الفنكوش